ޣައްޒާގެ އުތުރުގެ ބައިތުލަހިޔާގައި މީހުން ދިރިއުޅޭ އިމާރާތަކަށް ސަހްޔޫނީ އިޒްރޭލުން ބޮން އަޅައި 50 މީހުން މިއަދު ޝަހީދު ކޮށްލައިފިއެވެ.
އިޒްރޭލުން ހިންގި މި ބޮޑު ޤަތުލް ޢާންމުގައި ޝަހީދުވި މީހުންގެ ތިންބައިކުޅަ އެއްބަޔަކީ ކުޑަކުދިން ކަމަށް ފަލަސްތީނުގެ ސިވިލް ޑިފެންސާ ހަވާލާދީ އަލްޖަޒީރާއިން ބުނެއެވެ.
ސިވިލް ޑިފެންސާ ހަވާލާދީ އަލްޖަޒީރާއިން ބުނީ ސަހްޔޫނީ ޓެރަރިސްޓުން ހުރަސް އެޅުމުގެ ސަބަބުން، އިމާރާތުގެ ދަށުން މީހުން ސަލާމަތް ކުރަން ރެސްކިއު ޓީމުތަކަށް އުނދަގޫވެފައިވާ ކަމަށެވެ.
މިދިޔަ އަހަރުގެ އޮކްޓޫބަރު މަހުން ފެށިގެން ފަލަސްތީނުގެ ރައްޔިތުންގެ ނަސްލު ނަައްތާލުމަށް އިޒްރޭލުން ހިންގަމުން އަންނަ ޤަތުލް ޢާންމުގައި މިހާތަނަށް 44،000 އެއްހައި މީހުން ސަހްޔޫނީ އިޒްރޭލުން ވަނީ ޝަހީދު ކޮށްލާފައެވެ. މި ޤަތުލް ޢާންމު ހުއްޓުވުމުގައި ޢަރަބިންނާއި މުޅި ދުނިޔެ ވަނީ ފެއިލްވެފައެވެ.
