ދުންފަތުގެ އިސްތިއުމާލުކުރުމަކީ ހިތުގެ ބަލިތަކާއި ފުއްޕާމޭގެ ކެންސަރު ޖެހޭ ކަމެއްކަން ޒަމާނުއްސުރެ އެނގެއެވެ. އެހެންނަމަވެސް ގިނަ ބަޔަކަށް ނޭނގެނީ ދުންފަތުގެ އިސްތިއުމާލު ކުރުމަކީ ލޮލުގެ ފެނުން ގެއްލިދާނެ ކަމެއްކަމެވެ.
ދިރާސާތަކުން ދައްކާ ގޮތުގައި ދުންފަތުގެ އިސްތިއުމާލު ކުރުމުން، އުމުރާ ގުޅިގެން މެކިއުލަރ ޑިޖެނެރޭޝަން، ކެޓަރެކްޓް، ގްލޯކޮމާ އަދި ހަކުރުބަލީގެ ރެޓިނޯޕެތީ އަދި ޑްރައި އައި ސިންޑްރޯމް ޖެހުމުގެ ފުރުސަތު އިތުރުވެއެވެ. މިއީ ލޮލުގެ ފެނުން ގެއްލިދާނެ ކަންކަމެވެ.
އުމުރާ ގުޅުންހުރި މެކިއުލަރ ޑިޖެނެރޭޝަން (އޭއެމްޑީ ނުވަތަ ލޮލުގެ މަސްތަކުގެ ބާރު ދަށްވާ ބައްޔެއް )އޭއެމްޑީ ޖެހުމުގެ ނުރައްކާ ކުޑަކުރެވޭނެ އެއް ގޮތަކީ ދުންފަތުގެ އިސްތިއުމާލު ނުކުރުމެވެ. ދުންފަތުގެ އިސްތިއުމާލު ނުކުރާ މީހުންނަށް ވުރެ ދުންފަތުގެ އިސްތިއުމާލުކުރާ މީހުންނަށް އޭއެމްޑީ ޖެހުމުގެ ފުރުސަތު ތިން ގުނައާއި ހަތަރު ގުނަ އިތުރުވެއެވެ. ދުންފަތުގެ އިސްތިއުމާލު ނުކުރާ މީހުންނަށް ދުންފަތުގެ އިސްތިއުމާލު ނުކުރާ މީހުންނަށް އޭއެމްޑީ ޖެހުމުގެ ފުރުސަތު ގާތްގަނޑަކަށް ދެގުނައަށް އިތުރުވެގެންދެއެވެ.
ލޯ ފުސްވުން، ދުންފަތުގެ އިސްތިއުމާލުކުރާ މީހުންނަށް (ދުވާލަކު 15 ސިނގިރޭޓް ނުވަތަ އެއަށްވުރެ ގިނަ) ދުންފަތުގެ އިސްތިއުމާލު ނުކުރާ މީހުންނަށް ވުރެ ތިންގުނައަށް ލޯ ފުސްވުމުގެ މައްސަލައާ ކުރިމަތިލާން ޖެހުމުގެ ފުރުސަތު ބޮޑުވެ އެވެ.
ދުންފަތުގެ އިސްތިއުމާލު ކުރުމުގެ ސަބަބުން ގުލަކޯމާ އާއި ލޭމައްޗަށް ދިއުމާއި ލޮލުގެ ކަޅިއާއި ހަކުރުބައްޔާއި ވަރުގަދަ ގުޅުމެއް އޮންނަ ކަމަށާއި މި ހުރިހާ ކަމަކީ ވެސް ގްލޯކޮމާ ޖެހުމުގެ ނުރައްކާ ބޮޑު ކަންތައްތަކެއް ފަހުގެ ދިރާސާތަކުން ދައްކައެވެ.
ދުންފަތުގެ ދުންފަތުގެ އިސްތިއުމާލު ކުރުމަކީ ހަކުރުބަލި ޖެހުމުގެ ފުރުސަތު އިތުރުކޮށްދޭ ކަމެކެވެ. ދުންފަތުގެ އިސްތިއުމާލު ކުރަމުންދާނަމަ، ހަކުރުބަލި މެނޭޖްކުރުމަށް ދަތިވެދާނެ އެވެ. ދުންފަތުގެ އިސްތިއުމާލުކުރުމުން ގޯސްވާ ހަކުރުބަލީގެ އުދަނގޫތަކުގެ ތެރޭގައި ރެޓިނޯޕެތީ، ހިތުގެ ބަލި، ސްޓްރޯކް، ލޭހޮޅިތަކުގެ ބަލި، ކިޑްނީގެ ބަލި، ނާރުތަކަށް ގެއްލުން، ފައިގެ މައްސަލަ އަދި އެތައް ކަމެއް ހިމެނެ އެވެ.ޑްރައި އައި ސިންޑްރޯމް އެވެޑްރައި އައި ސިންޑްރޯމްގެ ސަބަބުން ދުންފަތުގެ އިސްތިއުމާލު ނުކުރާ މީހުންނަށް ވުރެ ދުންފަތުގެ އިސްތިއުމާލުކުރާ މީހުންނަށް ކުރާ އަސަރު ދެގުނައަށް ވުރެ ގިނަ އެވެ.
މައުލޫމާތު: ޑިޕާޓްމަންޓް އޮފް ހެލްތު (ނިއުޔޯކް ސިޓީ)
