އިންޑިއާ ކަނޑާއި ޕެސިފިކް ކަނޑުގެ ސަރަހައްދުގައި ޗައިނާގެ އަސްކަރީ ހަރަކާތްތަކާ ކުރިމަތިލުމުގައި ކުއޯޑްގައި ހިމެނޭ އިންޑިއާ ފިޔަވައި ދެން އޮތް ތިން ގައުމުން އޮޕަރޭޝަން އެއްގޮތް ކުރުމަށްޓަކައި އޮސްޓްރޭލިއާގައި އަންނަ އަހަރުން ފެށިގެން ޖަޕާނު ސިފައިން ބައިތިއްބާ ގޮތަށް ނިންމައިފިއެވެ.
އޮސްޓްރޭލިއާގެ އުތުރު ޓެރިޓްރީގައި އަބަދުވެސް ތަމްރީނަށް ޖަޕާނުގެ 2 ހާސް ސިފައިން ތިބޭނެއެވެ. ކޮންމެ ބެޗެއްވެސް 6 މަސް ދުވަސްވަންދެން ތަމްރީން ކުރެވޭނެއެވެ.
އެމެރިކާގެ ޑިފެންސް ސެކްރެޓަރީ ލޮއިޑް އޮސްޓިނާއި ޖަޕާނުގެ ޑިފެންސް މިނިސްޓަރު ޖިން ނަކަޓާނީ އާއި އޮސްޓްރޭލިއާގެ ޑިފެންސް މިނިސްޓަރު ރިޗާޑް މާލްސް ވަނީ މިއަދު ބއްދަލު ކުރައްވައި މިކަން ފައިނަލް ކުރައްވާފައެވެ.
