ސަރުކާރަށް މިވީ އެއްއަހަރު ތެރޭ، މަސްވެރިންނަށް 1 ބިލިޔަން ރުފިޔާ ދީފައިވާނެ ކަމަށް ރައީސުލް ޖުމްހޫރިއްޔާ ޑޮކްޓަރ މުހައްމަދު މުއިއްޒު ވިދާޅުވެއްޖެއެވެ.
އެމަނިކުފާނު މިހެން ވިދާޅުވީ، ސަރުކާރަށް 1 އަހަރު ފުރުން ފާހަގަ ކުރުމަށް ސޯޝިއަލް ސެންޓަރުގައި މިހާރު ކުރިއަށް ގެންދާ ޖަލްސާގައެވެ.
ރައިސް ވިދާޅުވީ، މިދިޔަ އަހަރުގެ ނޮވެމްބަރު 17 ވަނަ ދުވަހު އެމަނިކުފާނު ވެރިކަމާ ހަވާލުވެ ވަޑައިގެންނެވިއިރު، މަސްވެރިންނަށް ކުރީ ސަރުކާރުން 250 މިލިޔަން ރުފިޔާ ނުދައްކަވައި އޮތް ކަމަށެވެ.
"މި ދެންނެވި ދުއިސައްތަ ފަންސާސް މިލިޔަން ރުފިޔާއާއެކު މިދިޔަ ނޮވެމްބަރު 11 ވަނަ ދުވަހުގެ ނިޔަލަށް މި ސަރުކާރުން މަސްވެރިންނަށް އެއް ބިލިޔަން ރުފިޔާ ދެވިއްޖެ" ރައީސް ވިދާޅުވިއެވެ.
