އިންޑިއާގެ އިރުއުތުރުގެ ސްޓޭޓެއް ކަމަށްވާ މަނިޕޫރުގައި އައު ބުރަކަށް ހަމަނުޖެހުން ހިނގަން ފެށުމާ ގުޅިގެން އިންޓަނެޓާއި މޯބައިލް ފޯނުގެ ހިދުމަތް މެދުކަނޑާލައި ކާފިއު އިއުލާން ކޮށްފިއެވެ.
މި ހަމަނުޖެހުންތަކަކީ މިދިޔަ އަހަރުގެ މެއި މަހުން ފެށިގެން އެ ސްޓޭޓްގައި ހިންދޫ މެއިޓޭ ކޮމިއުނިޓީ އާއި ކްރިސްޓިއަން ކުކީ ކޮމިއުނިޓީއާ ދެމެދު ހިނގަމުންދާ ހަމަނުޖެހުންތަކުގެ އެންމެ ފަހުގެ ސިލްސިލާއެވެ.
މި ހަމަނުޖެހުންތަކުގެ ސަބަބުން 220 އަށް ވުރެ ގިނަ މީހުން މަރުވެފައި ވެއެވެ. އަދި އެތައް ބަޔަކު ގެއްލިފައިވާއިރު، ގާތްގަނޑަކަށް 60،000 މީހުން ވަނީ ވިއްސިވިހާލި ވެފައެވެ.
މުޒާހަރާ ކުރަމުންދާ މީހުން ވަނީ ސްޓޭޓްގެ ވެރިރަށް އިމްޕާލްގައި ގާނޫނު ހަދާ މަޖިލީހުގެ 9 މެމްބަރެއްގެ ގެއަށް ވަދެ، އުޅަނދުތަކުގައި ހުޅު ޖަހާފައެވެ.
ރައްދުގައި މަނިޕޫރު ސަރުކާރުން ވަނީ ސޯޝަލް މީޑިއާގައި ހަމަނުޖެހުން އުފެއްދުމަށް މަގުފަހިވާ ވާހަކަތައް ދައްކައި ފައެވެ. ފަހުން ހަމަނުޖެހުން ބޮޑުވެ، ކާފިއު އިއުލާންކޮށް އިންޓަނެޓްގެ ބަންދު ކުރީއެވެ.
ވެރިރަށުގައި މުޒާހަރާ ކުރަމުން މަގުތައް ބަންދުކޮށް ޓައިރުތައް ދަނީ އަނދަމުންނެވެ.
