ކުރިއަށް އޮތް ޖެނުއަރީ 1 ވަނަ ދުވަހުން ފެށިގެން ސިވިލް ސަރވަންޓުންނާއި ޖުޑީޝަރީގައި މަސައްކަތް ކުރައްވާ ހުރިހާ މުވައްޒަފުންގެ މުސާރަ ބޮޑު ކުރައްވާނެ ކަމަށް ރައީސުލް ޖުމްހޫރިއްޔާ ޑޮކްޓަރ މުހައްމަދު މުއިއްޒު ވިދާޅުވެއްޖެއެވެ.
ސަރުކާރަށް އެއް އަހަރު ފުރުން ފާހަގަ ކުރުމަށް ސޯޝިއަލް ސެންޓަރުގައި މިހާރު ބާއްވަމުންދާ ޖަލްސާގައި ވާހަކަފުޅު ދައްކަވަމުން ރައީސް ވިދާޅުވީ ސިވިލް ސަރވަންޓުންނާއި ޖުޑިޝަރީ ހުރިހާ މުވައްޒަފުންގެ މުސާރަ އަންނަ އަހަރު ބޮޑުވާނެ ކަމަށެވެ. އަދި އެހެނިހެން މުއައްސަސާތަކުގައި ތިއްބެވި ބޭފުޅުންގެ މުސާރަ 2026 ވަނަ އަހަރު ބޮޑު ކުރައްވާނެ ކަމަށެވެ.
މިހާރު ކުރިއަށްދާ ޖަލްސާގައި ރައީސް ގެންދަވަނީ ވަރަށް ދިގުކޮށް ވާހަކަފުޅު ދައްކަވައި، އުއްމީދީ އެތައް ކަމެއްގެ ވާހަކަ ރައްޔިތުންނާ ހިއްސާ ކުރައްވަމުންނެވެ.
