ބްރެޒިލްގެ ލެޖެންޑު ނޭމާ, ސައުދީ އަރަބިއާގެ އަލްހިލާލުގައި ހުރީ ހިތްހަމަޖެހިގެން ކަމަށް އޭނާގެ އޭޖެންޓް ޕިނީ ޒަހަވީ ހާމަކޮށްފިއެވެ.
ނޭމާގެ ކުރިމަގާ ބެހޭ ގޮތުން ވާހަކަދައްކަމުން ޕިނީ ބުނި ގޮތުގައި އަލްހިލާލު ދޫކޮށް އެހެން ކްލަބަކަށް ދިއުމަށް ޓަކައި އެއް ވެސް މަޝްވަރާތަކެއް ކުރިއަށް ނުދާ ކަމަށެވެ. އޭގެ އިތުރުން ޕިނީ ވަނީ, ނޭމާ އެންމެ ފުރަތަމަ ފުޓުބޯޅަ ދުނިޔޭގައި ވިދަމުން އައި އިރު ކުޅުނު ކްލަބު ކަމުގައިވާ ސަންތޯސްއަށް އެނބުރި ދިއުމަށް މަސައްކަތް ކުރަމުން އަންނަ ވާހަކަތައް ދޮގު ކޮށްފައެވެ.
"އަލްހިލާލް ދޫކޮށް އެހެން ކްލަބަކަށް ސޮއިކުރުމަށް އެއް ވެސް ކަހަލަ މަޝްވަރާތަކެއް ކުރިއަކަށް ނުގެންދަން. އަލްހިލާލުގަ ނޭމާ ހުރީ ހިތްހަމަޖެހިގެން. އަހަންނަކަށް ނޭނގެ ކޮން ބަޔަކު ފެތުރި ހަބަރެއް ކަމެއް ނޭމާ ސަންތޯސްއަށް އެނބުރި ދާން މަސައްކަތް ކުރަމުން އަންނަ ހަބަރަކީ" ނޭމާގެ ކުރިމަގާ ބެހޭ ގޮތުން ވާހަކަދައްކަމުން ޕިނީ ބުންޏެވެ.
އޭގެ އިތުރުން ޕިނީ ވަނީ ނޭމާއާ ބެހޭ ގޮތުން ތެދާ ހިލާފު ހަބަރުތައް ފަތުރަމުންދާ މީހުންނަށް އެކަން ހުއްޓާލުމަށް ގޮވާލައިފައެވެ. ޕިނީ ބުނި ގޮތުގައި ނޭމާގެ ކުރިމަގާ ބެހޭ ގޮތުން ވާހަކަދެއްކުމުގެ ހައްގު އޮންނާނީ ހަމައެކަނި އޭނާއަށާއި ނޭމާގެ ބައްޕައަށް ކަމުގައެވެ.
ދާދި ފަހުން ޕީއެސްޖީ ދޫކޮށް, ސައުދީގެ އަލްހިލާލާ ގުޅުނު ނޭމާއަށް ވަނީ އިންޖަރީތަކުގެ ސަބަބުން އެ ކްލަބުގައި ރަނގަޅު ކުޅުމެއް ދެއްކޭ ގޮތް ނުވެފައެވެ. ނޭމާއަށް އަލްހިލާލުގެ ޖާރޒީގައި އެންމެ 10 މެޗު ވެސް ކުޅެވިފައިނުވާ އިރު, 6 މަސް ތެރޭ, އޭނާ އަލްހިލާލާއެކު ހަދާފައިވާ ކޮންޓްރެކްޓް ހަމަވުމުން އެހެން ކްލަބަކަށް ދިއުމަކީ އެކަށީގެންވާ ކަމެކެވެ.
ހެހެހހެ މަހީކުރީ އަބާންއަކީ ހަމައެކަނި ވާހަކަ ލިޔާ ކުއްޖެއްކަމަށް. އަދި ކިރިޔާ މި އެނގެނީ އަބާން ސަޅިކޮށް ސްޕޯރޓްސް ޚަބަރު ލިޔާކަން. އައިލައިކް ޔޫ އަބާން