އީރާނުގައި އީޖާދީ މަސައްކަތުގައި އަންހެނުން ހަރަކާތްތެރިވާ ނިސްބަތަކީ ދުނިޔޭގެ ނިސްބަތަށް ވުރެން އިތުރު ނިސްބަތެއް ކަމަށް، އީރާންގެ އަންހެނުންނާއި ފެމިލީ އެފެއާޒްގެ ނައިބު ރައީސް ޒަހުރާ ބެހްރޫޒް އަޒާރު ވިދާޅުވެއެވެ.
އޭނާ ވިދާޅުވީ އީރާންގައި އީޖާދީ މަސައްކަތްތަކުގެ 24 ޕަސެންޓަށް ވުރެ ގިނަ ބައި ހިއްސާކުރަނީ އަންހެނުންނެވެ. ދުނިޔޭގެ ނިސްބަތުން އަންހެނުން އީޖާދީ މަސައްކަތް ހިއްސާކުރަނީ 17 އިންސައްތައިގައެވެ. އެހެންނަމަވެސް އީރާނުގައި ވިޔަފާރިވެރިއެއް ފެށުމާއި ސްޓާޓްއަޕްތަކުގައި އަންހެނުންގެ ހިއްސާއަކީ އެންމެ 12 ޕަސެންޓް ކަމަށް އޭނާ ވިދާޅުވެއެވެ.
ބެހްރޫޒް-އަޒާރު ފާހަގަ ކުރެއްވި ގޮތުގައި ޕަޒަޚްޝިއާންގެ ސަރުކާރުގެ ދައުރު ހަމަވާއިރު އަންހެނުންގެ ހިއްސާ ވިޔަފާރީގައި 30 އިންސައްތައަށް އިތުރުވާނެ ކަމަށް އުންމީދު ކުރެވެއެވެ.
އޭނާ ވާހަކަ ދައްކަވަމުން ގެންދެވީ އަންހެން ޓީޗަރުން ތަމްރީނު ކުރާ ތެހެރާންގެ ތަރުބިއްޔަތު މުދައްރިސް ޔުނިވާސިޓީގައި އޮތް ގައުމީ އަންހެނުންގެ ވިޔަފާރީގެ ކޮންފަރެންސްގަ އެވެ.
އީރާނުގައި ވިޔަފާރިވެރިކަމަށް ހިތްވަރު ދޭން ރަސްމީކޮށް ފެށުނީ 2000 ވަނަ އަހަރު އެވެ. އެއަށްފަހު، ކޯސްތައް ހިންގައި ވިޔަފާރިއާ ބެހޭ ފުރަތަމަ ޔުނިވަރސިޓީ ތެހެރާންގައި ހުޅުވިއެވެ.
