ޣައްޒާގައި ޓެރަރިސްޓް ހަމަލަތައް ދެމުންދާ ޒަޔަނިސްޓު ޔަހޫދުންގެ ސިފައިންގެ މީހަކު ކީރިތި ޤުރުއާނަށް ކުޑަކަމުދާ ތަން ވީޑިއޯކޮށް އެމަންޒަރު މީސްމީޑިއާގައި އާންމުކޮށްފިއެވެ.
ފަލަސްޠީނުގެ ނިއުސް ސައިޓްތަކުން ބުނާ ގޮތުގައި މަލްޢޫލު ކަލޭގެ މި ޖަރީމާ ހިންގާފައި ވަނީ، ޣައްޒާގެ އުތުރުގެ ޖަބަލިއާގައެވެ.
މި ފޮޓޯ ޝާއިއުކޮށްފައި ވަނީ ޒަޔަނިސްޓު ޓެރަރިސްޓު ޔަހޫދުންގެ ގިވާޓީ ބްރިގޭޑް 435 ގެ ރޮޓެމް ބެޓޭލިއަންގެ ސިފައިންގެ މީހެކެވެ. އެ ވީޑިއޯ އޭނާ އާންމު ކުރީ އަމިއްލަ އިންސްޓަގްރާމް އެކައުންޓުގައެވެ.
އެ ޖަރީމާ ހިންގާފައި ވަނީ 22 އޮކްޓޯބަރ 2024 ގެ 17:41 ގައި ކަމަށް އެ ވީޑިއޯއިން އެނގެއެވެ. އަދި އޭނާގެ ޖަރީމާގެ ފަސްމަންޒަރުގައި އިއްވާފައި ވަނީ، އެމެރިކާގެ އާޓިސްޓް ކާންޔޭ ވެސްޓްގެ ލަވަ 'ވައިލެންޓް ކްރައިމްސް' އޯޑިއޯ އެވެ.
އޮންލައިންކޮށް ގިނަ ބަޔަކު ވަނީ ޒަޔަނިސްޓް ޓެރަރިސްޓް ޔަހޫދުންގެ އަމަލުތައް ކުށްވެރިކޮށްފައެވެ. މިނޫނަސް މިފަދަ އެތައް ވީޑިއޯއެއްގައި ކީރިތި އުގުރުއާން ވީދާލައި އެއިން ބިޑި އަބުރާ މަންޒަރުވެސް ޔަހޫދުން ދައްކާފައި ވެއެވެ. އަދި ބައެއް ހާލަތްތަކުގައި ކީރިތި ޤުރުއާނުގައި ޔަހޫދުން ހުޅުޖަހައިފައިވެސް ވެއެވެ.
އަލްޖަޒީރާއިން އިން ދަނީ ޒަޔަނިސްޓު ޔަހޫދުންގެ ޓެރަރިޒަމްގެ ހަނގުރާމައިގެ ޖަރީމާތައް އެމީހުންގެ ޑޭޓާބެސްގައި ޑޮކިއުމެންޓް ކުރަމުންނެވެ.
