ދަރިމައިނުވުން ނުވަތަ އިންފަޓިލިޓީއަކީ ގާތްގަނޑަކަށް ކޮންމެ 7 ދެމަފިރިންގެ ޖޯޑަކުން 1 ޖޯޑަކަށް ދިމާވާ، ގަވާއިދުން ޖިމާޢުވުމުން ވެސް ދަރިން ނުލިބުމެވެ. 40 އަހަރުން ދަށުގެ ގިނަ ޖޯޑުތަކަށް އެއް އަހަރުގެ ތެރޭގައި ގުދުރަތީގޮތުން ދަރިން ލިބުނު ނަމަވެސް، 3 އަހަރަށްވުރެ ގިނަ ދުވަހު މަސައްކަތް ކުރާ ފަރާތްތަކަށް ދަރިން ލިބުމުގެ ފުރުސަތު ކުޑަވެއެވެ.

ދަރިން ނުލިބޭތާ އެއް އަހަރު ވުމުން، ނުވަތަ 36 އަހަރުން މަތީގެ އަންހެނުންނަށް ނުވަތަ ދަރިން ނުލިބޭނެކަން އެނގިފައިވާ ފަރާތްތަކަށް އެއަށްވުރެ އަވަހަށް، މެޑިކަލް ލަފާ ހޯދުމަށް މާހިރުން އިރުޝާދު ދެއެވެ.

ދަރިމައިނުވާކަން ދެ ބަޔަކަށް ބެހިގެންވެއެވެ. އެއީ ޕްރައިމަރީ (ފުރަތަމަ ފަހަރަށް ދަރިން ލިބުމަށް ދަތިވުން) އަދި ސެކަންޑަރީ (ކުރިން ދަރިން ލިބިފައިވާ ފަރާތްތަކަށް އަލުން ދަރިން ލިބުމަށް ދަތިވުން) އެވެ.

އާންމު ސަބަބުތަކުގެ ތެރޭގައި ހިމެނެނީ ގަވާއިދުން އޮވިއުލޭޓްނުވުން، ދަރިފަނީގެ ފެންވަރު ދަށްވުން، ފެލޯޕިއަން ހޮޅި ބަންދުވުން، އަދި އެންޑޯމެޓްރިއޯސިސް ފަދަ ބަލިތަކެވެ. އުމުރު، ބަރުދަން، ދުންފަތުގެ އިސްތިޢުމާލު ކުރުން، ބަނގުރާ ބުއިން، ނަފްސާނީ ގޮތުން ބޮޑު ޕްރެޝަރެއްގައި ހުރުން، އަދި ތިމާވެށީގެ ވިހަ ތަކެއްޗަށް ހާމަވުން ފަދަ ދިރިއުޅުމުގެ ކަންކަމުން ވެސް ދަރިން ލިބުމަށް އަސަރުކުރެއެވެ.

ފަރުވާގެ އޮޕްޝަންތައް ބިނާވެގެންވަނީ އަސްލު ސަބަބުގެ މައްޗަށެވެ. މީގެ ތެރޭގައި ހިމެނެނީ ބިސް ރިލީސްކުރުމަށް ނުވަތަ އޯވިއުލޭޓްވުމަށް މަގުފަހިކޮށްދޭ ބޭސް، އެންޑޯމެޓްރިއޯސިސް ނުވަތަ ގެއްލުން ލިބިފައިވާ ފެލޯޕިއަން ހޮޅިތަކަށް ފަރުވާ ދިނުމަށް ކުރާ ސަރޖަރީތައް، އަދި އައިވީއެފް ނުވަތަ އިންޓްރާޔޫޓެރައިން އިންސެމިނޭޝަން (އައިޔޫއައި) ފަދަ އެހީތެރިވެދޭ ރިޕްރޮޑަކްޓިވް ޓެކްނިކްތަކެވެ. ނަމަވެސް، މި ފަރުވާތަކަކީ އަގުބޮޑު އަދި އަބަދުވެސް ކާމިޔާބުވާ ފަރުވާތަކެއް ނޫނެވެ.

އައިވީއެފް ފަދަ ފަރުވާތަކާ ގުޅިގެން ބައެއް ނުރައްކާތައް ހުރެއެވެ. މީގެ ތެރޭގައި ހިމެނެނީ މަލްޓިޕަލް ޕްރެގްނަންސީއާ ކުރިމަތިލާސްޖެހުން، (މިއީ އިތުރު އުނދަގޫތަކަކަށް މަގުފަހިވާ ކަމެއް) އަދި އެކްޓޮޕިކް ޕްރެގްނަންސީ (ރަހިމުން ބޭރުގައި ދަރިފުޅު އަށަގަތުން) އެވެ. ޕްރައިވެޓް ކްލިނިކްތަކުން މި ފަރުވާ ހޯދާއިރު، އެ ތަންތަނަކީ ހިއުމަން ފަރޓިލައިޒޭޝަން އެންޑް އެމްބްރިއޮލޮޖީ އޮތޯރިޓީ (އެޗްއެފްއީއޭ) އިން ލައިސަންސް ދީފައިވާ ތަންތަންކަން ޔަގީންކުރުން މުހިންމެވެ.

ދަރިމައި ނުވުމުގެ ގޮންޖެހުންތަކަކީ ވަރަށް އުނދަގޫ ބަރުދާސްތު ކުރަން ވަރަށް ދަތި ކަންކަމެވެ. ނަމަވެސް، ވަގުތުން މެޑިކަލް އެހީތެރިކަން ހޯދައި، އަދި ރަނގަޅަށް މަޢުލޫމާތު ލިބިގެން ނިންމާ ނިންމުންތަކުން ޒަވާޖީ ދެމަފިރިންނަށް އެމީހުންގެ އޮޕްޝަންތައް ދެނެގަތުމަށް އެހީތެރިވެދެއެވެ.

މައުލޫމާތު: ޔުނައިޓެޑް ކިންގްޑަމް ނެޝަނަލް ހެލްތު ސަރވިސް

އިތުރު ލިޔުންތައް ސިއްހަތު