"ޕްރީޖުވެނޭޝަން" ގެ ޚިޔާލަކީ އުމުރުގެ ނިޝާންތައް ފެންނަން ފެށުމުގެ ކުރިން ޒުވާންކަމާއި މުޅި ހަށިގަނޑުގެ ދުޅަހެޔޮކަން ދެމެހެއްޓުމަށް ޢަމަލީ ފިޔަވަޅުތަކެއް އެޅުމެވެ. އެގޮތުން، ހަށިގަނޑާއި ހަން ޒުވާންކޮށް ދަމަހަށްޓާ އިހުސާސްކުރުމަށް އެހީތެރިވާނެ އެތައް ސްޓްރެޓެޖީތަކެއް ހުރެއެވެ.

ކޮންމެ ދުވަހަކު ސަންސްކްރީން ބޭނުންކުރުމަކީ މުހިންމު އާދައެކެވެ. އެސްޕީއެފް 30 ނުވަތަ އެއަށްވުރެ މަތީ ސަންސްކްރީނަކުން ތިބާގެ ހަމަށް ގެއްލުންދެނިވި ޔޫވީ ދޯދިތަކުން ރައްކާތެރިކޮށްދޭނެއެވެ. އަދި އޭގެ ސަބަބުން ހަމުގެ ރޫތަކާއި، "ސަން-ސްޕޮޓްސް"، އަދި ހަމުގެ ކެންސަރުގެ ނުރައްކާ ކުޑަވާނެއެވެ. އަނެއް މުހިންމު އާދައަކީ ވިޓަމިން ސީ ދުވަހުގެ އާދަތަކުގެ ތެރެއަށް ވެއްދުމެވެ. ވިޓަމިން ސީ އަކީ ކޮލެޖެން އުފެއްދުމަށް ކޮންމެހެން ބޭނުންވާ މާއްދާއެކެވެ. އޮރެންޖު، ކޮޕީފަތް އަދި މިރުސް ފަދަ ކާނާއިން ވިޓަމިން ސީ ލިބެއެވެ، ނުވަތަ ދުވާލަކު 1،000 މިލިގްރާމްގެ ސަޕްލިމެންޓެއް ބޭނުންކުރުމަކީ ވިޓަމިން ސީ ހޯދަން ފަސޭހަ ގޮތެކެވެ.

އޯމެގާ ފެޓީ އެސިޑްތަކަކީވެސް ޒުވާން ހަމެއް ދެމެހެއްޓުމަށާއި މުޅި ހަށިގަނޑުގެ ދުޅަހެޔޮކަމަށް މުހިންމު ދައުރެއް އަދާކުރާ އެއްޗެކެވެ. ދުވާލަކު 1،000 އާއި 2،000 މިލިގްރާމް ދެމެދުގެ ފިޝް އޮއިލް ސަޕްލިމެންޓަކުން ހަމުގެ އިލާސްޓިކްކަން އިތުރުކޮށް، ސިކުނޑީގެ ދުޅަހެޔޮކަމަށް އެހީތެރިވެ، އަދި ހަށިގަނޑުގައި ދިމާވާ އިންފްލެމޭޝަން މަދުކުރެއެވެ.

ދުންފަތުގެ އިސްތިޢުމާލު ނުކުރުމަކީވެސް ވަރަށް މުހިންމު ކަމެކެވެ. އެއީ ދުންފަތުގެ އިސްތިޢުމާލުން ހަމަށް ގެއްލުންދީ، ވިޓަމިން ސީ މަދުކޮށް، އަދި ހަމުގައި ރޫތައް އުފައްދާތީއެވެ. ހަކުރަކީވެސް ޒުވާން ސިފައެއް ދެމެހެއްޓުމަށް ދަތިކުރާ އެއްޗެކެވެ. ހަކުރު މަދުކުރުމުން ހަން ހަރުދަނާކޮށް ފުރިހަމަކޮށްދޭ ދެ ޕްރޮޓީނެއްކަމަށްވާ ކޮލެޖެނާއި އިލާސްޓިންއަށް ލިބޭ ގެއްލުން ކުޑަކުރެވޭނެއެވެ.

ދުވާލަކު މަދުވެގެން 30 މިނެޓު ގަވާއިދުން ކަސްރަތުކުރުމުން ހިތުގެ ދުޅަހެޔޮކަން އިތުރުވެ، ހަށިގަނޑުގެ ބަރުދަނަށް އަންނަ ބަދަލުތައް މަދުވެ، އަދި ހަކަތަ ދެމެހެއްޓުމަށް އެހީތެރިވެދެއެވެ.

ގިނައިން މޫނުގެ ހަރަކާތްތަކުން އުފެދޭ ކުދި ރޫތައް މަޑުޖެއްސުމަށް ބޮޓޮކްސް ފަދަ ނިއުރޮޓޮކްސިންތައް ކުރިއާލާ ބޭނުންކުރަން ފެށުމަކީވެސް ކުރެވިދާނެކަމެކެވެ. މީގެ އިތުރުން، ވިޓަމިން އޭގެ ބާވަތެއްކަމަށްވާ، ރެޓިން-އޭ، އަކީވެސް ހަމުގެ ފެންވަރު ރަނގަޅުކޮށް، ރޫތައް މަދުކޮށް، ހަމުގެ ކުލަ ގެއްލުން ފަދަ މައްސަލަތައް ހައްލުކުރުމަށް ބޭނުންކުރެވޭ ރަނގަޅު ވަސީލަތެކެވެ. މައިކްރޯނީޑްލިންގ ނުވަތަ ލޭޒަރ ރީސަރފޭސިންގ ފަދަ ހަމަށް ނުވަންނަ، 'ނޮންއިންވޭސިވް' ފަރުވާތަކުން ހަމުގެ ކުލައާއި ކޮލެޖެން އުފެއްދުން އިތުރަށް ރަނގަޅުކުރެވިދާނެއެވެ.

ކޮންމެ ރެއަކު 7 އިން 8 ގަޑިއިރު މެދުނުކެނޑި ނިދުމަށް އިސްކަންދިނުމުން ހަށިގަނޑަށް މަރާމާތުވެ އާރޯކަން ލިބުމަށް ފުރުޞަތު ލިބޭނެއެވެ. މިއީ ހަމާ ހަށިގަނޑު ޒުވާންކަންމަތީ ދެމެހެއްޓުމަށް ނުހަނު މުހިންމު ކަމެކެވެ.

އިތުރު ލިޔުންތައް ސިއްޙަތާއި ރީތިވުން