އެމެރިކާގެ ގާނޫނު ހަދާ މަޖިލީހުގެ 40 އަށް ވުރެ ގިނަ މެމްބަރުން ވަނީ ޕާކިސްތާނުގެ ކުރީގެ ބޮޑުވަޒީރު އިމްރާން ހާނާއި ސިޔާސީ އެހެން ގައިދީން ދޫކޮށްލުމަށް ބާރުއެޅުމަށް އެމެރިކާގެ ރައީސް ޖޯ ބައިޑަން އަށް އިލްތިމާސްކޮށް ސިޓީއެއް ފޮނުއްވާފައެވެ.
ކޮންގްރެސްގެ ޖުމްލަ 46 މެންބަރުން ބައިޑެންއަށް ސިޓީއެއް ފޮނުއްވައިފައި ވަނީ ޖަލުގައި ހުރި ކުރީގެ ބޮޑުވަޒީރު ދޫކޮށްލުމަށް ބައިޑެންގެ ސަރުކާރުގެ ފަހު ދުވަސްތަކުގައި މަސައްކަތްތައް ކޮށްދެއްވުމަށް އިލްތިމާސް ކުރައްވަމުންނެވެ.
އިމްރާންގެ ޕާޓީ، ޕާކިސްތާން ތަހްރީކޭއިންސާފް (ޕީޓީއައި)، އެމެރިކަން ވިންގް އިން ވަނީ މިކަމުގެ ތަފްސީލުތައް ސޯޝަލް މީޑިއާ ޕްލެޓްފޯމް، އެކްސް ގައި ހިއްސާކޮށްފައެވެ.
އެފަރާތުން ބުނެފައި ވަނީ ރިޕަބްލިކަން ޕާޓީ އާއި ޑިމޮކްރެޓިކް ޕާޓީގެ މެމްބަރުން ވެސް ސިޓީގައި ސޮއިކޮށްފައިވާ ކަމަށާއި އަވަސް ފިޔަވަޅު އެޅުމަށް ގޮވާލާފައިވާކަން ފާހަގަކޮށްފައި ވެއެވެ.
