މޫސުން ގޯސްވުމުގެ ސަބަބުން މެދު ރާއްޖެތެރެއާއި ރާއްޖޭގެ ބޮޑުބަޔަކަށް ބޮޑުބަޔަކަށް މޯލްޑިވްސް މީޓިއޮރޮލިޖިކަލް ސާރޗިސް (މެޓް)އިން ހުދު ސަމާލާއި ރީނދޫ ސަމާލު ނެރެފިއެވެ.
އެގޮތުން މިއަދު މެންދުރު 2 ޖެހުމާ ހަމައަށް މެޓުން ނެރެފައިވަނީ ހުދު ސަމާލެވެ. މި ސަމާލު ނެރެފައިވަނީ ރ. އަތޮޅުން ފެށިގެން ލ. އަތޮޅަށެވެ.
މި ސަމާލުގައި ބުނެފައިވަނީ އެ ސަރަހައްދު ތަކަށް ބޯކޮށް ވާރޭވެހުމާއެކު ގުރުރާނެ ކަމަށެވެ.
މީގެއިތުރުން މެޓުން ވަނީ މޫސުން ގޯސްވުމުގެ ސަބަބުން މެޓުން ރީނދޫ ސަމާލު ނެރެފައިވާ ސަރަހައްދު ތަކަކީ ބ. އަތޮޅުން ފެށިގެން އދ. އަތޮޅާ ހަމައަށެވެ.
މި ސަރަހައްދުތަކަށްވެސް ބޯކޮށް ވާރޭވެހި ގުގުރާނެ ކަމަށާއި ވިލާގަނޑުގައި ގަޑިއަކު 45 މޭލަށް ވައިގަދަވެ ކަނޑުތައް ގަދަވާނެ ކަމަށް މެޓުން ވަނީ ލަފާކޮށްފައެވެ. މި ސަމާލުގެ ގަޑި ހަމަވާނީ މެންދުރު 12:00 އަށެވެ.
ދެކުނުގެ އަތޮޅުތަކަށް ރާޅުގެ އުސްމިން ހުންނާނީ 3 ފޫޓާއި 6 ފޫޓެވެ. އަދި އުތުރާއި މެދުރާއްޖެތެރޭގެ ރާޅުގެ އުސްމިން ހުންނާނީ 2 ފޫޓާއި 5 ފޫޓާ ދެމެދުއެވެ.
ފާއިތުވި 24 ގަޑިއިރު ތެރޭގައި އެންމެ ގިނައިން ވާރޭ ވެހިފައިވަނީ ބ. ދަރަވަންދޫއަށެވެ. އެއީ 114.5 މިލިލީޓަރުގެ ވާރޭއެވެ.
