"ފަލަސްތީން" ލިޔެފައިވާ ސްވެޓްޝާޓެއް ލައިގެން ހުރި އަންހެނެއްގެ ބަޔަށްބޮލަށް އަރައިގަނެ، އޭނާގެ ފޯނު ބިންމައްޗަށް ވައްޓާލައި މާރާމާރީ ހިންގި ހުދު ނަސްލުގެ އަންހެން މީހާ ހައްޔަރުކޮށްފިއެވެ.
އިލިނޮއި ސްޓޭޓްގެ ޑެރިއެންގެ އެލެގްޒެންޑްރާ ޝުސްޓާކިއެވިޗް 64އ. ހައްޔަރުކޮށް ދައުވާކޮށްފައި ވަނީ، ޝިކާގޯގެ ޑައުނަރސް ގްރޯވް އަވަށުގައި، ޕެނެރާ ބްރެޑް ރެސްޓޯރެންޓްގެ ބޭރުގައި މުސްލިމަކަމަށް ހަމަލަ ދިނުމުންނެވެ.
އެމެރިކާގައި ޒަޔަނިސްޓުން މުސްލިމުންނާ ދެކޮޅަށް ހިންގަމުން ގެންދާ ނަފްރަތް އުފެއްދުމުގެ ގޭސްއެނބުރުމުން އަނިޠާގެ ޝިކާރައަކަށް މުސްލިމުން ވެއެވެ.
މިފަދަ އެހެން މައްސަލައެއްގައި މިދިޔަ އަހަރުގެ އޮކްޓޯބަރު މަހުގެ 14 ވަނަ ދުވަހު އިލިނޮއިގެ ޕްލޭންފީލްޑްގައި ފަލަސްޠީނު ދަރިކޮޅުގެ 6 އަހަރުގެ ވަދީޢާ ފައްޔޫމަށް 26 ފަހަރު ވަޅިން ހަމަލަދީ ޝަހީދުކޮށްލާފައި ވެއެވެ. އޭނާގެ މަންމަ އުމުރުން ބައްތިރީސް އަހަރުގެ ހަނާން ޝާހީނަށްވެސް ހަމަލަ ދިނެވެ. ނަމަވެސް އޭނާ ސަލާމަތް ކުރެވުނެވެ.
މި ޖަރީމާ ހިންގާފައި ވަނީ ޒަޔަނިސްޓުންގެ ޕްރޮޕެގެންޑާއިން ސިކުނޑި ދޮވެވިފައިވާ އުމުރުން 71 އަހަރުގެ ޖޯސެފް ޒޫބާ އެވެ، އޭނާއަކީ ހަނާންގެ ލޭންޑްލޯޑެވެ.
