އިއްޔެ އަކީ ޙިޒުބުﷲއަށް ބޮޑު ދުވަހެކެވެ. ޒަޔަނިސްޓުން ހިފާފައިވާ ޓެލްއަވީވަށް އިއްޔެ ޙިޒްބުﷲ އިން ފޮނުވާލި ފާތިޙު 110 މަރުކާގެ މިސައިލަކީ މިމަހު ޚިދުމަތަށް ނެރުނު އައު މިސައިލެކެވެ.
އިއްޔެ ފާތިޙު110 ބޭނުންކޮށްގެން ޙަމަލަ ދީފައި ވަނީ، ހިފާފައިޥާ ފަލަސްޠީނުގެ އުތުރުގައި އޮންނަ، ތެލްހާއިމް އަސްކަރީ މަރުކަޒަށެވެ. މިއީ ދެކުނު ލުބުނާންގެ ޙިޒުބުﷲގެ މަރުކަޒުތަކާ 120 މީޓަރު ދުރުގައި އޮންނަ ޒަޔަނިސްޓު ސިފައިންގެ އަސްކަރީ ޖާސޫސީ މަރުކަޒެކެވެ.
ޒަޔަނިސްޓުންނަށް ލިބުނު ޙައިރާން ކަމުގައި ފާތިޙު 110 ވަނީ، އެއްވެސް ހުރަހަކާ ނުލައި އޭގެ އަމާޒަށް ކާމިޔާބު ކަމާއެކު ވާސިލުވެފައެވެ. އިޒްރޭލުގެ މޮޅު ވައިގެ ދިފާއީ ނިޒާމަށްވެސް މިމިސައިލަށް ހުރަހެއް ނޭޅުނެވެ.
މިމަހުގެ 6 ވަނަ ދުވަހު ޙިޒުބުﷲ އިން ޚިދުމަތަށް ނެރެފައިވާ ފާތިޙު 110ގެ މިސައިލަކީ، 500 ކިލޯގެ ގޮވާތަކެތީގެ ބޮލަކާއެކު 300 ކިލޯމީޓަރަށް ދަތުރުކުރުމުގެ ގާބިލުކަން ލިބިފައިވާ މިސައިލެކެވެ. މާނައަކީ ހިފާފައިވާ ފަލަސްޠީނުގައި އިންދާފައިވާ އިޒްރޭލުގެ އިސްތިއުމާރުގެ މެދަށް ހާސްކަމެއް ނެތި ވައްޓާލެވޭ ވަރުގެ މިސައިލެކެވެ.
ޙިޒުބުﷲ އިން ފުރަތަމަ ފަހަރަށް ފާތިޙު 110 ބޭނުންކޮށްފައި ވަނީ، ހިފާފައިވާ ޓެލްއަވީވްގެ ދެކުނުގައި އޮންނަ ޒަރުވިން އަސްކަރީ މަރުކަޒަށް ހަމަލަ ދޭށެވެ.
