ލުބުނާނުގެ ހިޒްބުالله އިން ފޮނުވާލި މިސައިލްތަކުގެ ސަބަބުން ހިފާފައިވާ ޓެލްއަވީވްގެ މެދުތެރޭގައި އަލިފާން ރޯވާ މަންޒަރުތައް އިބްރާނީ މީޑިއާއިން ޝާއިއުކޮށްފި އެވެ.
ހިފާފައިވާ ޓެލްއަވީވް ސަރަހައްދުގައި އޮންނަ އަޔަލޯން މޯލަށް އެރި ޙިޒުބުﷲގެ މިސައިލަކުން ބޮޑު އަލިފާނުގެ ހާދިސާއެއް ހިނގައިފިއެވެ.
ޔަހޫދުންގެ ޗެނަލް 13 އިން ބުނީ ޓެލްއަވީވްގައި މަދުވެގެން 6 ގޮވުން ގޮއްވާލާފައިވާ ކަމަށެވެ.
ޒަޔަނިސްޓުންގެ މީޑިއާ ރިޕޯޓްކޮށްފައިވާ ގޮތުގައި ޓެލްއަވީވްގެ ބެން ގުރިއަން އެއާޕޯޓްވެސް މިހަމަލާގެ ސަބަބުން ވަނީ ބަންދުކޮށްފައެވެ. އަދި ޓެލްއަވީވްގެ ވަށައިގެންވާ ސަރަހައްދުތަކުން ކަރަންޓުވެސް ކަނޑައިގެން ގޮސފައި ވާކަމަށެވެ.
ޓެލްއަވީވް ކައރީގައި އޮންނަ ހިފާފައިވާ ހައިފާ ސިޓީގައިވެސް ސައިރަން އަޅާފައި ވެއެވެ. ބެލެވޭ ގޮތުގައި ޙިޒުބުﷲގެ ޑްރޯން އައިނެއް ސިޓީއާ ދިމާއަށް އައީއެވެ.
ހިފާފައިވާ ހައިފާގެ ރަމްބަމް ހޮސްޕިޓަލުން ބުނިގޮތުގައި ޙިޒުބުﷲ އިން ފޮނުވާލި މިސައިލެއް ސީދާ ގެއަކަށް ވެއްޓުމުން އަންހެނަކު މަރުވެ، ކުޑަކުއްޖަކާއެކު 30 މީހަކަށް ތަފާތު ސީރިއަސް ޒަހަމްތަކުގައި ހަސްފަތާލުގައި ފަރުދޭން ޖެހުނެވެ.
އެހީދޭ ސިވިލް ޑިފެންސުން ވަނީ އެހީ ދިނުމަށް ހުރަސް އެޅިދާނެތީ މީހުން އެހިސާބަށް ނައައުމަށާއި މަންޒަރުތައް ފޮޓޯ ނުނެގުމަށް އަންގާފައެވެ
އަނެއްކޮޅުން ޒަޔަނިސްޓު ސިފައިން ނެރުނު ބަޔާނެއްގައި ބުނެފައިވަނީ ހަވީރު ގަޑީގައި ޖަލީލުގެ އުސްބިންތަކަށްވެސް ޙިޒުބުﷲ އިން 5 މިސައިލް ފޮނުވާލި ކަމަށެވެ.
