މާލޭގެ ބައެއް ސަރަހައްދުތަކުން މިއަދުވެސް ކަރަންޓުގެ ހިދުމަތް މެދުކެނޑުން އެކަށީގެންވާކަމަށް ސްޓޭޓް އިލެކްޓްރިކް ކޮމްޕެނީ ލިމިޓެޑް (ސްޓެލްކޯ) އިން ވިދާޅުވެއްޖެއެވެ.
ސްޓެލްކޯއިން ވިދާޅުވީ ކަރަންޓް ހިދުމަތް މެދުކެނޑެނީ އެ ކުންފުނީގެ ކަރަންޓުގެ ވިއުގަ އަޕްގްރޭޑް ކުރުމުގެ މަސައްކަތް ކުރިއަށް ދާތީ ކަމަށެވެ.
އެގޮތުން، މިއަދު ހެނދުނު 9:30 ން 11:30 ށް މާލެ ސިޓީ، ބޮޑުތަކުރުފާނު މަގު އަދި ފިލިގަސް މަގު ހިމެނޭ ސަރަޙައްދުން ކަރަންޓުގެ ހިދުމަތް މެދުކެނޑުން އެކަށީގެންވާކަމަށް ސްޓެލްކޯއިން ވިދާޅުވިއެވެ.
މީގެ އިތުރުން، މިއަދު މެންދުރުފަހު 14:00 ން 15:00 އަށް މާލެ ސިޓީ، ރެހެނދި ހިނގުން، އަމީނީ މަގު އަދި ފަޅުމަތީ މަގު ހިމެނޭ ސަރަޙައްދުންވެސް ކަރަންޓް ކެނޑޭނެކަމަށް ސްޓެލްކޯއިން ވިދާޅުވެފައިއެވެ.
ކަރަންޓުގެ ވިއުގަ އަޕްގްރޭޑް ކުރުމުގެ މި މަސައްކަތްތަކުގެ ސަބަބުން ކަރަންޓުގެ ހިދުމަތް މެދުކެނޑިގެން ދިމާވާނެ ދަތިތަކަށް ސްޓެލްކޯއިން ވަނީ މާފަށް އެދިވަޑައިގަންފައެވެ.
