ޒަޔަނިސްޓް އިސްތިއުމާރީ ސިފައިންނަށް ހަނގުރާމަ ކޮށްދޭނެ މީހުން މަދުވުމުން ދީނީ އުސޫލީ ޔެހޫދުން ސިފައިންގެ ތެރެއަށް ވައްދަން މަސައްކަތް ފަށައިފިއެވެ. ޒަޔަނިސްޓުން ވަނީ 7 ހާސް މީހުން ވައްދަން ނިންމާފައެވެ. އޭގެ ތެރެއިން ނޯޓިސް ފޮނުވީ 3 ހާސް މީހުންނަށެވެ.
އެމީހުންގެ ތެރޭން 1،126 މީހުން ޚިދުމަތަށް ނައައުމުން ފިލައިގެން އުޅޭ ކަމަށް ބަލައި ހައްޔަރު ކުރުމުގެ މަސައްކަތް ވަނީ ފަށާފައެވެ.
ޒަޔަނިސްޓުންގެ ޑިފެންސް މިނިސްޓްރީން ބުނަނީ ލިސްޓު ކޮށްފައިވާ ކޮންމެ މީހަކަށް 3 ފަހަރަށް އަމުރު ފޮނުވާނެ ކަމަށެވެ. އެއަށް ފަހުވެސް ހާޒިރު ނުވެއްޖެނަމަ ބަލާނީ ފިލައިގެން އުޅެނީ ކަމަށެވެ. އެއަށްފަހު ހައްޔަރު ކުރަން ފަށާނެ ކަމަށެވެ.
ޒަޔަނިސްޓުން ހިންގަމުން ގެންދާ ޓެރަރިސްޓް ދައުލަތުން އިންތިޒާމުކޮށްފައިވާ ޓެރަރިސްޓް އަމަލުތަކަށް އިޒްރޭލުގެ ރައްޔިތުން ދަނީ ދެކޮޅު ހަދަމުންނެވެ.
