ޙިޒުބުﷲއިން ދެކުނު ލުބުނާންގައި ޒަޔަނިސްޓު ޓެރަރިސްޓު އިސްތިއުމާރީ ސިފައިންނާ ދެކޮޅަށް ހަނގުރާމަ ކުރަމުން ދަނީ "އުލިލްބައުސް" ޝިއާރުގެ ދަށުންނެވެ. މިހަފްތާގައި ހިންގާފައިވާ އެންމެ ކާމިޔާބު އޮޕަރޭޝަނަކީ، ނޮވެމްބަރު 16 ގައި ހިންގި "ހައިފާ އޮޕަރޭޝަން" އެވެ.
އެދުވަހަކީ، ޒަޔަނިސްޓު އިސްތިއުމާރު ސިފައިންގެ ފަސް އަސްކަރީ މަރުކަޒަކަށް ސީދާ މިސައިލް ހަމަލަތައް އަމާޒު ކުރިދުވަހެވެ.
ފަލަސްޠީނުގެ އުތުރުގައި އިންދާފައިވާ ޒަޔަނިސްޓު ޔަހޫދު ބަސްތީތަކުން 300،000 އަށް ވުރެ ގިނަ ވަޒަންވެރިން ބިންގަރާހަށް ވައްދަން މަޖުބޫރު ކުރި ދުވަހެވެ.
ހިޒުބުން ވަނީ އެއްފަހަރާ އެތައް އަމާޒުފަތްގަނޑަކަށް ހަމަލާދިނުމުގެ ގާބިލްކަން ދައްކާލައި، އިޒްރޭލުގެ ސައިޒު ދައްކާލާފައެވެ.
ޒަޔަނިސްޓު ޓެރަރިސްޓުން ނޮވެމްބަރު 12 ވަނަ ދުވަހު ލުބުނާނުގެ ދެކުނުގައި އެއްގަމު މަގުން އޮޕަރޭޝަންތަކުގެ "ދެވަނަ މަރުހަލާ" ފެށިފަހުން، ހިޒްބުالله ގެ ކާމިޔާބީ ރިޕޯޓުކޮށްފައި ވަނީ:
އިސްރާއީލުގެ 18 ސިފައިން ނައްތާލެވުނު.
32 ޒަޔަނިސްޓު ޓެރަރިސްޓުން ނުކުޅައްދައި ލެވުން
5 މެރްކާވާ ޓޭންކާއި 1 ހަނގުރާމަ މަތީ ބުލްޑޯޒަރ ނައްތާލެވުނު ކަމަށެވެ.
އޮކްޓޯބަރު 1 އިން ފެށިގެން ޙިޒުﷲ އިން ދެމުންދިޔަ ހަމަލަތަކުގައި ދީފައި ގެއްލުން ތަކަކީ:
ޒަޔަނިސްޓު ޓެރަރިސްޓް ސިފައިންގެ 110 މީހުން ނައްތާލުން
ޒަޔަނިސްޓް ޓެރަރިސްޓު ސިފައިންގެ 1،050 މީހުން ދާއިމަށް ނުކުޅައްދައި ލުން
48 ޓޭންކާއި 9 ބުލްޑޯޒަރ، 2 އާމަރޑް ވެހިކަލް، އަދި 2 ޓްރޫޕް ކެރިއަރ ނައްތާލުން.
8 ޑްރޯން ވައްޓާލުން އޭގެ ތެރޭގައި އެމެރިކާއިން ދީފައިވާ މަތީ ފެންވަރުގެ 6 ހަރމިސް 450 ގެ ޑްރޯން ހިމެނެއެވެ.
ޒަޔަނސްޓް ޓެރަރިސްޓް ސިފައިންނަށް އެތައް ފްރަންޓެއްގައި ހިޒުބުން ވަނީ ނާކާމިޔާބީއާ ކުރިމަތި ކޮށްފައެވެ. ޔަހޫދުންނަށް ދެކުނުގައި ކުރިއަރައިގެނެއް ނުދެވެއެވެ.
ލިބެމުންދާ ގެއްލުންތަކާއެކު ސުލްހައަށް ބާރު އެޅުމަށް ޔަހޫދުން ދަނީ ވާހަކަ ދައްކަމުންނެވެ. ޙިޒުބުﷲ އިން ބުނަނީ ސުލްހައަށް މައްސަލައެއް ނެތް ކަމަށެވެ. ނަމަވެސް ޙިޒުބުﷲގެ ޝަރުތުތަކާއެކުގައެވެ. އެއީ ޒަޔަނިސްޓުންނަށް ދެކުނު ލުބުނާންގައި ބާރެއް ނުވާ ގޮތަށް އަދި ލުބުނާންގެ ވައިގެ ސަރަހައްދަށް ނުވަންނަ ގޮތަށެވެ. ދުނިޔެއާއި އިޒްރޭލު ރައްޔިތުންނަށް ދަޅަ ދައްކައި ދިގުދަންމަން ޔަހޫދުން މިކަމަށް މަޝްވަރާ ކުރިއަސް ޔަހޫދުން މިއަށް އެއްބަސް ނުވާނެކަން ހިޒުބަށް އެނގެއެވެ.
