ގދ. މަޑަވެލި ހޯނޑެއްދޫ ކޯޒްވޭ މަޝްރޫއުގެ މަސައްކަތުގެ ދަށުން، 60 މީޓަރުގެ ފުރަތަމަ ބްރިޖުގެ މަސައްކަތުގެ 85 އިންސައްތަ މަސައްކަތް ވަނީ ނިމިފައިވާ ކަމަށް މޯލްޑިވްސް ޓްރާންސްޕޯޓް އެންޑް ކޮންޓްރެކްޓިންގ ކޮމްޕެނީ (އެމްޓީސީސީ) އިން ބުނެފިއެވެ.
އެމްޓީސީސީން މިހެން ބުނެފައިވަނީ އެކްސްގައި ކޮށްފައިވާ ޕޯސްޓެއްގައެވެ.
އެ ޕޯސްޓްގައި އިތުރަށް ބުނެފައިވަނީ އެ މަޝްރޫއޫގެ 60 މީޓަރުގެ ދެވަނަ ބްރިޖްގެ 80 އިންސައްތަ މަސައްކަތްވެސް ވަނީ މިހާރު ނިމިފައިވާ ކަމަށެވެ.
އަދި ސައިޓުގައި މިހާރު ކުރިއަށްދަނީ އެޕްރޯޗް ރޯޑް އާއި ރިވެޓްމެންޓްގެ މަސައްކަތް ކަމަށްވެސް އެމްޓީސީސީން ބުނެފައިވެއެވެ.
މި މަޝްރޫޢަށް 84.17 މިލިއަން ރުފިޔާ ވަނީ ކަނޑައެޅިފައެވެ.
