ފިއުލް ލައިން އަޕްގްރޭޑް ކުރުމަށް ބޭނުންވާ ތަކެތި ސަޕްލައިކޮށްދޭނެ ފަރާތެއް ހޯދުމަށް ސްޓޭޓް އިލެކްޓްރިކް ކޮމްޕެނީ ލިމިޓެޑް (ސްޓެލްކޯ) އިން އިޢުލާނުކޮށްފިއެވެ.
މި އިޢުލާނުގައި ބަޔާންކޮށްފައިވާ ގޮތުގައި، ކުންފުނިން ހޯދަން ބޭނުންވަނީ އެކި ސައިޒުގެ ޔޫޕީޕީ އިލެކްޓްރޯފިއުޝަން ރިޑިއުސަރ، ފްލޭންޖްޑް ޓަރމިނޭޝަން، ގާސްކެޓް އެންޑް ބޯލްޓް ސެޓް، ކަޕްލިންގް ފްލޭންޖް، ފިލް ޕައިޕް ކޮއިލް، ފިއުޝަން ކަޕްލަރ އަދި އިލެކްޓްރޯފިއުޝަން އެލްބޯ ފަދަ ތަކެއްޗެވެ.
މި މަސައްކަތަށް ޝައުޤުވެރިވާ ފަރާތްތަކުން 2024 ނޮވެމްބަރު 21 ވާ ބުރާސްފަތި ދުވަހުގެ ކުރިން އީމެއިލް މެދުވެރިކޮށް މަޢުލޫމާތު ސާފުކުރުމަށް ސްޓެލްކޯއިން އަންގާފައިވެއެވެ. އަދި އަންދާސީހިސާބު ހުށަހެޅުމަށް ހަމަޖެހިފައިވަނީ 2024 ނޮވެމްބަރު 25 ވާ ހޯމަ ދުވަހުގެ 10:30 ގައި ސްޓެލްކޯ ހެޑްއޮފީހުގެ ދެވަނަ ފަންގިފިލާގެ ބައްދަލުކުރާ ކޮޓަރީގައި ކަމަށް އިޢުލާނުގައި ބަޔާންކޮށްފައިވެއެވެ.
އަންދާސީހިސާބުތައް އިވެލުއޭޓް ކުރާނެ ގޮތުގެ ތަފްސީލުވެސް އިޢުލާނުގައި ހިމަނާފައިވެއެވެ. އެގޮތުން އަގަށް 80 ޕޮއިންޓް އަދި މުއްދަތަށް 20 ޕޮއިންޓް ދޭނެކަމަށް ބަޔާންކޮށްފައިވެއެވެ. އަދި ހުށަހަޅާ މުއްދަތު 60 ދުވަހަށްވުރެ އިތުރުނުވާނަމަ، މުއްދަތުގެ ބަޔަށް ފުލް 20 ޕޮއިންޓް ލިބޭނެކަމަށްވެސް އިޢުލާނުގައި ބުނެފައިވެއެވެ.
މި މަސައްކަތާ ގުޅޭ އިތުރު މަޢުލޫމާތު ސާފުކުރުމަށް ސްޓެލްކޯގެ ޕްރޮކިއުމަންޓް ޑިޕާޓްމަންޓާ (3338123/3338152) ގުޅުމަށް އިޢުލާނުގައި އަންގާފައިވެއެވެ.
އިޢުލާނު: https://www.gazette.gov.mv/iulaan/316602
