ޙިޒުބުﷲ އިން ދެމުން ދާ ޙަމަލަތަކާ ބެހޭ ގޮތުން ޙިޒުބުﷲގެ ސެކްރެޓެރީ ޖެނެރަލް ނަޢީމް ޤާސިމް ތަފްސީލު ދެއްވައިފިއެވެ. ނަޢީމް ޤާސިމް ދެއްވި ޚިޠާބު ގައި ވިދާޅުވީ ޙިޒުބުﷲ އިން ހިފާފައިވާ ފަލަސްޠީނުގެ، ހިފާފައިވާ ޓެލްއަވީވަށް ޙަމަލަ ދޭން ފެށީ، ލުބުނާންގެ ވެރިރަށް ބެއިރޫތަށް ދިން ހަމަލައަށް ބަދަލު ހިފުމުގެ ގޮތުން ނެވެ.
އޭނާ ވިދާޅުވީ ޒަޔަނިސްޓް އިޒްރޭލުން ދިން ސައިބަރ ޓެރަރިސްޓް ހަމަލާގައި ޙިޒުބުﷲ ގެ ޕޭޖަރުތައް ގޮއްވާލުމުން ޙިޒުބަށް ބޮޑެތި ގެއްލުންތަކެއް ލިބުނު ކަމަށެވެ. އަދި 10 ދުވަސް ވަންދެން ހައިރާންކަމެއްގައި ތިބެން ޖެހުނު ކަމަށެވެ. ނަމަވެސް ފަހުން އައު ހިތްވަރަކާއެކު ނިކުތީ ކަމަށެވެ. އދި ހަނގުރާމައިގެ މައިދާނުން އެކަން ސާބިތުކޮށް ފެންނަމުންދާ ކަމަށް އޭނާ ވިދާޅުވިއެވެ.
ޤާސިމް ވިދާޅުވީ ޙިޒުބުﷲ އިން އިޒްރޭލަށް ހަމަލަ ދެމުން ދާނެ ކަމަށެވެ. އަދި ޙިޒުބުﷲ އަށް ބޮޑެތި ގެއްލުންތައް ލިބޭނެ ކަން އެނގޭ ކަމަށްވެސް އޭނާ ވިދާޅުވިއެވެ. އަދި ޙިޒުބަށް ލިބޭ ގެއްލުންތަކާ އެއްވަރަށް ޒަޔަނިސްޓު ދުޝްމަނަށްވެސް ގެއްލުން ލިބޭނެ ކަން އޭނާ ފާހަގަ ކުރެއްވިއެވެ. އަދި ކޮންމެ ދުވަހަކީވެސް ދުޝްމަނަށް ހަމަލަދީ ކުރިއެރިޔަ ނުދޭން ޙިޒުބުން މަސައްކަތް ކުރާނެ ދުވަހެއްކަން އޭނާ ފާހަގަ ކުރެއްވިއެވެ.
ޙިޒުބުﷲ އިން ސިޔާސީ މަސައްކަތް ފަށާނީ ހަނގުރާމަ ނިމުމުން ކަމަށް އޭނާ ވިދާޅުވިއެވެ. އަދި ޙިޒުބުﷲ އިން ސިޔާސި މަސއްކަތް ކުރާނީ ޠާއިފްގެ އެއްބަސްވުމާ އެއްގޮތަށް ކަމަށްވެސް ވިދާޅުވިއެވެ.
