ކުވެއިތިގައި އޮތް ބައިނަލްއަޤްވާމީ ޤުރުއާން މުބާރާތުގައި ތިން ކެޓަގަރީން އިންޑޮނޭޝިއާ، ޔޫގަންޑާ އަދި ބަންގްލަދޭޝް ކުދިން އެއްވަނަ ހޯދައިފިއެވެ.
ކުވެއިތުގެ އަވްޤާފް އެންޑް އިސްލާމިކް އެފެއާޒް މިނިސްޓްރީން އިންތިޒާމްކޮށްގެން ބޭއްވި 13 ވަނަ ބައިނަލްއަޤްވާމީ ޤުރުއާން މުބާރާތު ނިމުނީ ކުވެއިތު ސިޓީގައި ނޮވެމްބަރު 20 ގައެވެ.
ޤުރުއާން ތަޖުވީދު މަގަށް ކިޔެވުމުގެ ކެޓަގަރީން އެއްވަނަ ހޯދީ އިންޑޮނޭޝިއާ އަދި ދެވަނަ އިނާމު ލިބިފައިވަނީ މެލޭޝިއާ އަށެވެ. އަދި ތިންވަނަ އިނާމު ލިބިފައިވަނީ ބަންގްލަދޭޝްގެ ޒުވާނަކަށެވެ.
ހަތަރު ވަނަ ހޯދީ އީރާނު އަދި ފަސް ވަނަ އިނާމު ހޯދީ ތައިލެންޑުގެ ޒުވާނެކެވެ.
ޤުރުއާން ހިތުދަސްކުރުމުގެ ކެޓަގަރީން އެއްވަނަ ހޯދީ ޔޫގަންޑާގެ ކުއްޖެކެވެ. އަދި ދެވަނަ ހޯދީ ސޯމާލިއާ ތިންވަނަ އަދި ހަތަރު ވަނައަށް ކުވައިތު އަދި ފަސް ވަނައަށް މިސްރެވެ.
ޒުވާން ހިތުދަސްކުރާ މީހުންގެ ކެޓަގަރީން އެއްވަނަ ހޯދީ ބަންގްލަދޭޝް އަދި ދެވަނަ އަށް އެމެރިކާގެ ކުއްޖެކެވެ. ތިން ވަނައަށް އަލްޖީރިއާގެ ހަތަރު ވަނަ ފަލަސްތީނު އަދި 5 ވަނަ އީރާނެވެ.
