އިސްލާމީ ހެދުމުގެ ވިޔަފާރި 2031 ވަނަ އަހަރުގެ ނިޔަލަށް 118.20 ބިލިއަން ޑޮލަރަށް އަރާނެ ކަމަށް ލަފާ ކުރެވެއެވެ. އިސްލާމިކް ކްލޯތިން މާކެޓް ސައިޒު 2023 ވަނަ އަހަރު އުޅުނީ 80 ބިލިއަން ޑޮލަރުގައެވެ.
ސްކައި ކުއެސްޓް ޓެކްނޮލޮޖީން ނެރެފައިވާ "ގްލޯބަލް އިސްލާމިކް ކްލޮތިން މާކެޓް" ގެ ރިޕޯޓުގައި ބުނެފައިވަނީ، 2022 ވަނަ އަހަރު އިސްލާމީ ހެދުމުގެ ވިޔަފާރި އުޅުނީ، 76.19 ބިލިއަން ޑޮލަރުގައި ކަމަށެވެ. މުސްތަގްބަލުގައި އެއްވަރަކަށް މި ދާއިރާ 5 ޕަސެންޓްގައި ތަރައްގީ ވާނެ ކަމަށް ލަފާ ކޮށްފައި ވެއެވެ.
ފާއިތުވި އަހަރުތަކުގައި ދުނިޔޭގެ އިސްލާމީ ހެދުން ބާޒާރަށް ވަނީ ކޮންސިއުމަރުންގެ ބޭނުންތައް އިތުރު ވުމުން ބޮޑެތި ބަދަލުތަކެއް އައިސްފައެވެ. ކޮންސިއުމަތުންގެ އަތްމަތި ތިޔާގިކަމާއި، ޓެކްނޮލޮޖީގެ ކުރިއެރުންތަކާއި، ދެމެހެއްޓެނިވި ގޮތަށް ކަންކަން ކުރުމަށް ބާރުއެޅުން އިތުރުވުމުގެ ފެޝަނަށްވެސް ބަދަލު އައިސްފައި ވެއެވެ.
އިސްލާމީ ހެދުމާ ބެހޭ މާކެޓު ރިސާޗް ރިޕޯޓުގައި ކުރިއަށް އޮތް ޓްރެންޑްތަކާއި، މި ދާއިރާ ކުރިއަރާނެ ގޮތާއި ސަޕްލައި ލޭންޑްސްކޭޕް އޮންނާނެ ގޮތާއި، ޑިމާންޑް ލޭންޑްސްކޭޕް އޮންނާނެ ގޮތާއި، އަހަރުން އަހަރަށް ކުރިއަރާނެ ގޮތް ތަހުލީލު ކޮށްފައި ވެއެވެ.
އިސްލާމީ ހެދުންތަކުގެ މާކެޓް ސައިޒާ ބެހޭ ދިރާސާގައި ސަގާފީ ހެދުމާއި އަދި އަބަޔާތަކުގެ ފެޝަނާއި ހިޖާބު، ނަމާދު ހެދުމާއި ބުރުގާއާއި ނިގާބް މޫނު ބުރުގާ އަދި ޖުއްބާތަކަށް ވަކިން ތަހުލީލުތައް ހިމަނާފައި ވެއެވެ.
މި ތަހުލީލުތަކުގައި އަންހެނުންނާއި ފިރިހެނުންނަށް ވަކިވަކިން ބަލާފައި ވެއެވެ.
