ޖަމަލަކަށް 500 ސައުދީ ރިޔާޟް ކާންދިން މީހަކު ސައުދީ ފުލުހުން ހައްޔަރުކޮށްފިއެވެ.
ޖަމަލަކަށް 500 ރިޔާޟް ކާންދޭ މަންޒަރު ފެންނަ ވީޑިއޯ ސޯޝިއަލްމީޑިޔާގައި އާންމުވުމުން ފުލުހުން އެމީހާ އަތުލައިގަތުމަށް ހާއްސަ އޮޕަރޭޝަނެއް ހިންގީއެވެ. ސައުދީ ޤާނޫނު ބުނާ ގޮތުން ސައުދީ ފައިސާގެ ނޫޓަކީ ދައުލަތުގެ މިލްކެކެވެ. އަދި ފައިސާ ނޫޓު ހަލާކު ކޮށްލައިފިނަމަ، ނުވަތަ ގެއްލުންދީފިނަމަ އެއީ ޤާނޫނީ ކުށެކެވެ.
ޖަމަލަށް ފައިސާ ކާންދިން މީހާ އަތުލައިގަތީ ސައުދީގެ ހުޅަނގުއުތުރު ސިޓީއެއް ކަމަށްވާ އަލް ދަވަދާމީއިންނެވެ. ސައުދީގެ ޤާނޫނުގައިވާ ގޮތުގެ މަތިން އޭނާގެ މައްޗަށް ކުށް ސާބިތުވެއްޖެނަމަ 5-3 އަހަރުގެ މުއްދަތަކަށް ޖަލަށް ލެވޭނެއެވެ. ނުވަތަ 10،000-3،000 ރިޔާޟުން ޖޫރިމަނާ ކުރެވޭނެއެވެ.
