ބެލަރޫސްގެ ރައީސްގެ ރަސްމީ ދަތުރުފުޅާ ދިމާކޮށް ޕާކިސްތާނު އިދިކޮޅު ޕާޓީން އިސްލާމްއާބާދުގައި އިއްޔެ މުޒާހަރާ ކުރިއަށް ގެންދިޔަ އެވެ. މުޒާހަރާތައް ލީޑް ކުރެއްވި ޚައިބަރު ޕަޚުތޫން ޚުވާ ޕްރޮވިނސްގެ ޗީފް މިނިސްޓަރ އަލީ އަމީން ޣައްދާޕޫރުއެވެ. ކޯޓުން މުޒާހަރާ ނުކުރުމަށް އަމުރު ކޮށްފައި ވުމާއެކުވެސް އޭނާ ވަނީ އެ އަމުރާ ދެކޮޅަށް މުޒާހަރާ ލީޑު ކުރައްވާފައެވެ.
އިއްޔެގެ ހަމަނުޖެހުންތަކުގައި ފުލުހަކު މަރުވިއެވެ. އަދި 119 ފުލުހަކަށް އަނިޔާވިއެވެ.
އިމްރާން ޚާންގެ ތަޙުރީކޭ އިންސާފު ޕާޓީން ވަނީ ފުލުހުން ބޭނުން ކުރި ކަރުނަ ގޭހާ ދެކޮޅަށް ބޮޑެތި އިންޑަސްޓްރިއަލް ފަންކާތައް ބޭނުންކޮށްފައެވެ. (ފޮޓޯގައި)
އިސްލާމްއާބާދުގެ ރެޑް ޒޯން އޮތީ އެއްކޮށް ބަންދުކޮށްފައެވެ.
މުޒާހަރާ ބާއްވާފައި ވަނީ ކުރިން ނިންމާފައި އޮތް ތާރީޚަށް ވުރެން އެއް ދުވަސްފަހުންނެވެ.
ޚައިބަރުގެ ލޯ މިނިސްޓަރ އާފްތާބް އާލާމް ވަނީ ޚައިބަރުން މުޒާހަރާގައި ބައިވެރިވި އެންމެން ވެރިރަށް ދޫކޮށް ގޮސްފިކަމަށްވެސް އެކްސްގައި އިއުޅާން ކުރައްވާފައެވެ. އޭނާ ވިދާޅުވީ ޚައިބަރު މީހުންގެ ޣީރަތްތެރިކަން ދައްކައި އެމީހުން ވަނީ އިމްރާން ޚާންގެ ސަޕޯޓުގަިއ މުޒާހަރާކޮށް ވަފާތެރިކަން ދައްކާފައެވެ.
އިމްރާން ޚާންގެ އަނބިކަނބަލުން، ބުޝްރާ ބީބީވެސް ޣަންދާޕޫރާއެކު މުޒާހަރާގެ އިސް ސަފުގައި ހަރަކާތްތެރިވެ ވަޑައިގަތެވެ.
