ދުނިޔޭގައި ކޮންމެ 10 މިނެޓަކުން އަންހެނެއްގެ ފުރާނަ ގެއްލެނީ، ގާތް ބައިވެރިއެއް ނުވަތަ އާއިލާ މީހެއްގެ އަމަލަކުން ކަމަށް، އދން އެކުލަވާލާފައިވާ ރިޕޯޓެއްގައި ބުނެއެވެ.
ނިމިދިޔަ، 2023 ވަނަ އަހަރު ގަސްތުގައި 85،000 އަންހެނުންނާއި އަންހެން ކުދިން މަރާލާފައިވާ ކަމަށް ދައްކައެވެ. މި މީހުންގެ ތެރެއިން 60 އިންސައްތަ، (51 ހާސް) މީހުން މަރާލާފައި ވަނީ ގާތް ބައިވެރިއެއް، ނުވަތަ އާއިލާގެ އެހެން މީހެކެވެ. އަދި ކޮންމެ ދުވަހަކު 140 އަންހެނުންނާއި އަންހެން ކުދިން މަރުވަނީ ބައިވެރިޔާ ނުވަތަ ގާތް ތިމާގެ މީހެއްގެ އަތުންނެވެ.
މާނައަކީ ކޮންމެ 10 މިނެޓަކުން އަންހެނަކާއި އަންހެން ކުއްޖަކު މަރާލާ ކަމަށް އިއްޔެ، އާންމުކުރި ފެމިސައިޑް ރިޕޯޓުން ހާމަވެ އެވެ.
މި ރިޕޯޓު ޝާއިއުކޮށްފައި ވަނީ އަންހެނުންނާ ބެހޭ އދގެ އިދާރާއާއި އޯއެންއޯޑީސީން ގުޅިގެންނެވެ.
މި ރިޕޯޓުގައި ކިޔައިދީފައިވާ ތަފާސްހިސާބުތަކުން ހާމަވަނީ އަންހެންކުދިންނާއި އަންހެނުންނަށް އެންމެ ނުރައްކާތެރި ތަނަކީ އަމިއްލަ ގެ އެވެ! އެކަމަކުވެސް ގެވެހި އާއިލީ ވެށްޓަކީ ބަދަހި މުޖުތަމެއްގެ އަސާސެއް ކަމުގައި ބަލަން ވާނެއެވެ.
ސަރަހައްދުތަކުގެ ނިސްބަތުން ބަލާއިރު، އެފްރިކާއަކީ މިފަދަ ހާދިސާތައް އެންމެ ގިނަ ސަރަހައްދެވެ. އެފްރިކާ މި ރޮނގުން ވަނަ ހޯދަނީ އާބާދީގެ ނިސްބަތުންނެވެ.
ޔޫރަޕާއި އެމެރިކާގެ ސަރަހައްދުގައި 2023 ވަނަ އަހަރު ގާތް ބައިވެރިން ނުވަތަ އާއިލާގެ އެހެން މެމްބަރަކު އަނެހެނަކު ނުވަތަ އަންހެން ކުއްޖަކު މަރާލި ނިސްބަތަކީ، ޔޫރަޕްގައި 64 އަދި އެމެރިކާގައި 58 އެވެ.
އަންހެނަކު މަރާލި ހުރިހާ އަންހެނުންގެ ތެރެއިން ޔޫރަޕްގައި 64 ޕަސެންޓް މީހުން މަރާލާފައިވާއިރު އެމެރިކާގައި 58 ޕަސެންޓް މީހުން މަރާލާފައިވެ އެވެ.
