އައި.ޖީ.އެމް ހޮސްޕިޓަލުގެ ލެބޯޓަރީއަށް ބޭނުންވާ އިކްއިޕްމެންޓް އަދި މެޝިނަރީ ސަޕްލައިކޮށްދޭނެ ފަރާތެއް ހޯދުމަށް އެ ހޮސްޕިޓަލުން އަލުން އިޢުލާނުކޮށްފިއެވެ.
މިކަމަށް ކުރިން ކޮށްފައިވާ އިޢުލާނުގައި ތަކެތީގެ ސްޕެސިފިކޭޝަން ފުރިހަމައަށް ދެވިފައިނުވާތީ، އެ އިޢުލާނު ވަނީ ބާޠިލުކޮށްލާފައެވެ.
މި ބީލަމުގައި ބައިވެރިވާ ފަރާތްތަކަކީ އެ ޚިދުމަތް ފޯރުކޮށްދިނުމަށް ހުއްދަ ލިބިފައިވާ، ދާއިމީގޮތެއްގައި ހިނގަމުންދާ ތަންތަން ކަމުގައި ވާންޖެހޭނެކަމަށް އައި.ޖީ.އެމް.އެޗްއިން ވަނީ ވުދާޅުވެފައެވެ، އަދި ސަރުކާރުގެ ގަވާއިދާ އެއްގޮތަށް، ސަރުކާރުގެ ތަންތަނަށް މަސައްކަތްކޮށްދިނުމަށް އެއްބާރުލުން ދޭން އެއްބަސްވާ ފަރާތްތަކަށް ވާންޖެހޭނެކަމަށްވެސް ވިދާޅުވިއެވެ.
ބީލަމުގައި ރަޖިސްޓަރީވުމަށް 27 ނޮވެމްބަރު 2024 އިން ފެށިގެން 3 ޑިސެމްބަރު 2024 އާ ހަމައަށް ފުރުޞަތު ދެވިފައިވެއެވެ. ބީލަމާ ގުޅޭ ލިޔެކިޔުންތައް 27 ނޮވެމްބަރު 2024 ގެ 14:00 އިން ފެށިގެން އައި.ޖީ.އެމް ހޮސްޕިޓަލުގެ ވެބްސައިޓުން ޑައުންލޯޑް ކުރެވެން ހުންނާނެކަމަށް އެ ހޮސްޕިޓަލްއިން މަޢުލޫމާތުދެއެވެ.
މީގެ އިތުރުން، ބިޑް ސެކިއުރިޓީގެ ގޮތުގައި 10,000 ރުފިޔާ ހުށަހަޅަންޖެހޭނެ ކަމަށް އައި.ޖީ.އެމް.އެޗްއިން ބަޔާންކޮށްފައިވެއެވެ. ބީލަން ހުޅުވުން އޮންނާނީ 12 ޑިސެމްބަރު 2024 ވަނަ ދުވަހުގެ 11:00 ގައި އައި.ޖީ.އެމް.އެޗް ޕްރޮކިއުމަންޓް މީޓިންގ ރޫމްގައެވެ.
މި ބީލަމާ ގުޅޭ އިތުރު މަޢުލޫމާތު ހޯދުމަށް އައި.ޖީ.އެމް.އެޗްގެ ޕްރޮކިއުމަންޓް ޑިޕާޓްމަންޓާ ގުޅުއްވުމަށް (3335349، 3335254) ނުވަތަ އީމެއިލް ([email protected]) ކުރެއްވުމަށް އެ ހޮސްޕިޓަލްއިން އެދިލައްވައެވެ.
