ކުރީގެ ރައީސް ޒިޔާއުއްރަޙުމާނަށް ފާޑު ވިދާޅުވި ފަނޑިޔާރެއްގެ ގަޔަށް ވަކީލުންގެ ގްރޫޕަކުން ބިސްޖަހައިފިއެވެ.
ހަމަލަ ދީފައިވާ ފަނޑިޔާރަކީ، މުހައްމަދު އަޝްރަފުލް ކަމާލެވެ. އަދި އެކަން ހިނގާފައިވަނީ ޝަރީއަތުގެ މަޖިލީހުގައެވެ.
ވަކީލުން ވަނީ ފަނޑިޔާރު ކަމާލްއާ ދިމާކޮށް، ކުރީގެ ރައީސް ޒިޔާއުއްރަޙުމާނަށް އޭނާ ފުރައްސާރަ ކުރެއްވީ ކަމަށް ބުނެފައެވެ. އަދި އެފަދަ ވިސްނުމެއް ގެންގުޅުއްވާނަމަ ޝަރީއަތުގެ މަޖިލީހުގެ ރިއާސަތު ބަލަހައްޓަވައިގެން ނުވާނެ ކަމަށްވެސް ބުންޏެވެ.
މަންޒަރު ދުށް މީހުން ކިޔައިދިން ގޮތުގައި ނަސީބަކުން ފަނޑިޔާރުގެ ހަށިކޮޅަކަށް ބިސް އަމާޒެއް ނުވިއެވެ. ނަމަވެސް ބިސް ތަރަވީ، ފަނޑިޔާރުގެ ކުރިފުޅުމަތީގައި ހުރި މޭޒުމައްޗަށެވެ.
ވަކީލުން ހޯއްބޯއްލެވި ޙުކުމަކީ 2016 ވަނަ އަހަރު އޭނާ އިއްވެވި ޙުކުމެކެވެ.
ބަންގްލަދޭޝްގައި ސަރުކާރު ވައްޓާލުމާއެކު މިހާރު މުޅި ގައުމުގައި ބަސްވިކޭ މީހަކު ނެތެވެ. ކޮންމެ ބަޔަކުވެސް އުޅެނީ އަނެއް ބަޔަކާ ދިމާކޮށް ކުރީގެ ހަސަދަ ފިލުވާލުމުގައެވެ.
