މާލޭ ޝަހީދު އަލީމަގުގައި ހުންނަ ކެފޭއެއްގެ ތެރޭގައި މިރޭ ހިންގި މާރާމާރީއެއްގައި ބޮޑެތި ޒަޚަމްތަކެއް ލިބުނު މީހަކަށް އައިޖީއެމްއެޗް ހޮސްޕިޓަލުގައި ފަރުވާ ދޭން ފަށައިފިއެވެ.
ފުލުހުން ބުނީ މައްސަލަ ތަހުގީގު ކުރަމުން އަންނަ ކަމަށާއި މާރާމާރީއާ ގުޅިގެން މިހާތަނަށް އެއްވެސް މީހަކު އަދި ހައްޔަރު ނުކުރާ ކަމަށެވެ.
މައުލޫމާތު ލިބިފައިވާ ގޮތުގައި މާރާމާރީގައި އަނިޔާވެފައި ވަނީ އުމުރުން 44 އަހަރުގެ ދިވެހި ފިރިހެނަކަށެވެ.
މާލޭގައި މިރޭ މާރާމާރީއެއް ހިނގާފައި މިވަނީ، ޒަޚަމްތަކަކާއެކު މިއަދު ހެނދުނު އައިޖީއެމްއެޗާ ދިމާ ކަނޑުން މީހަކު ފެނިފައި ވަނިކޮށެވެ. އެމީހާއަށް ފަރުވާ ދެމުން ދަނިކޮށް މިއަދު ވަނީ މަރުވެފައެވެ.
