އަށާރަ އަހަރު ނުފުރޭ ފިރިހެން ކުއްޖަކު 4 އަހަރުގެ އަންހެން ކުއްޖަކަށް ޖިންސީ ގޯނާކުރިކަމަށް ތުހުމަތު ކުރެވޭ މައްސަލައެއް ފެންމަތިވެއްޖެއެވެ.
ފުލުހުން ވަނީ މިކަން ހާމަކުރައްވާ މީޑިއާތަކަށް މިރޭ މެސެޖެއް ފޮނުވާފައެވެ.
އެ މެސެޖުގައި ފުލުހުން ބުނީ އެ މައްސަަލަ ރިޕޯޓްކުރީ މި މަހުގެ 21 ވަނަ ދުވަހު ކަމަށެވެ. އަދި އެ ހާދިސާ ހިނގާފައިވަނީ ކ.، އއ، އދ. އަދި ވ. އަތޮޅުގެ ރަށްތަކުގެ ތެރެއިން ރަށެއްގައި ކަަމަށެވެ.
އެ މައްސަލައިގެ އިތުރު ތަފްސީލެއް ފުލުހުން ނުދެ އެވެ. ފުލުހުން ދަނީ މި މައްސަލަ އިތުރަށް ތަހުގީގު ކުރަމުންނެވެ.
