ޗައިނާގައި އުފައްދާފައިވާ އިލެކްޓްރިކް ކާރުން ހައްސާސް މައުލޫމާތު ރައްކާތެރިކުރުމަށް އޮސްޓްރޭލިއާގެ ހޯމް އެފެއާޒް މިނިސްޓަރު ޓޯނީ ބާކް ވަނީ ރައްކާތެރިކަމުގެ ފިޔަވަޅުތައް އަޅަން ފަށާފައެވެ. އޮސްޓްރޭލިއާއިން ބުނަނީ ޗައިނާގެ ކާރުތަކާ ގުޅިފައިވާ ފޯނުތަކުން ޑޭޓާ އެއްކުރުމާއި، ކޯލްތައް ރެކޯޑްކުރުމާއި، ކެމެރާ މެދުވެރިކޮށް ފޮޓޯ ނަގައި، ޖިއޮލޮކޭޝަން ޓްރެކް ކުރެވޭނެ ކަމަށެވެ.
އެކަމަކު މިވީހައި ތަނަށް މިފަދަ ސައިބާ ޓެރަރިޒަމްގެ ނުރައްކަލެއް ކުރި މަތިވެފައި ވަނީ އިޒްރޭލުންނެވެ. ޗައިނާއިން ނެއް ނޫނެވެ.
ބައެއް ގައުމުތަކުން ވިސްނަމުން ދަނީ ސަވައިލެންސް އާއި ގެއްލުން ދިނުމުގެ ނުރައްކަލެއް އޮތް ކަމަށް ބުނެ ކާރުތަކުގައި ޗައިނާގެ ޓެކްނޮލޮޖީ މަނާކުރާށެވެ. ތަޖުރިބާކާރުން ބުނާ ގޮތުގައި އޮސްޓްރޭލިއާ އިން ވެސް މިފަދަ ގޮތެއް ގެންގުޅެން ޖެހެ އެވެ. 5ޖީ އާއި ސްމާޓް ކާރު ފަދަ ޓެކްނޮލޮޖީގެ ދާއިރާއިން ޗައިނާގެ ބާރުގަދަކަމުން ބެއިޖިންގެ ޖާސޫސީ އިދާރާތަކުން އޭގެ ބޭނުން ހިފާފާނެ ކަމުގެ ކަންބޮޑުވުންތައް އޮތްކަމުގެ ބިރު އެފަރާތްތަކުން އުފައްދައެވެ.
މީގެ ކުރިން އެމެރިކާ އިން އިސްވެ އޮވެގެން ވާވޭ އާއި ޓިކްޓޮކް މަނާކުރި ގޮތަށް ޕްރޮއެކްޓިވް ޕޮލިސީތަކެއް ގެންގުޅެން ޖެހޭކަން ވެސް އޮސްޓްރޭލިއާއިން ފާހަގަކުރެއެވެ.
ފާޑުކިޔުންތެރިން އިންޒާރު ދެނީ އޮސްޓްރޭލިއާގެ މިހާރުގެ ހަތުރުވެރި ސިޔާސަތުގެ ސަބަބުން ސެކިއުރިޓީ ވަލްނަރެބިލިޓީސް އަށް ނުރައްކާވާނެ ކަމަށެވެ.
އޮސްޓްރޭލިއާގެ ކްލައިމެޓް ޗޭންޖް މިނިސްޓަރު ކްރިސް ބޯވެން ވަނީ ކޮންސިއުމަރުންނަށް އަމިއްލަ އިޚުތިޔާރުގައި ކަންކަން ނިންމަން ދޫކޮށްލަން ޖެހޭނެ ކަމަށް ވިދާޅުވެ ދެކޮޅު ހައްދަވާފައެވެ.
