2024 ވަނަ އަހަރުގެ ކުރީކޮޅުއްސުރެ ޕާކިސްތާނުގައި އިންޓަނެޓް ބޭނުންކުރާ ފަރާތްތަކަށް އިންޓަނެޓް ސްޕީޑް ލަސްވެ، ޑޭޓާ ލިބުން ލަސްވުމެއް ދިމާވީ ކަނޑުއަޑީގެ ކޭބަލްތަކަށް ލިބުނު ގެއްލުންތަކުގެ ސަބަބުން ކަމަށް ޕާކިސްތާނު ސަރުކާރުން ބުންޏެވެ. އެއަށްފަހު، ދެން އައީ ޕާކިސްތާންގައި އެކްސް މަނާކުރުމަށް އެޅި ފިޔަވަޅެވެ. އަދި ވެބް މެނޭޖްމަންޓް ސިސްޓަމް އަޕްގްރޭޑް ކުރާނެ ކަމަށް އިއުލާން ކުރުމަށްފަހު ސަރުކާރުން ދެން ތައާރަފް ކުރީ ގައުމީ ފަޔަރވޯލެކެވެ. ނަތީޖާއެއްގެ ގޮތުން، ވަޓްސްއެޕްއާއި މީޑިއާގެ ބައެއް ފަސޭހަތައް ނުލިބޭ ގޮތްވެ ޚިދުމަތަށް ބުރޫއެރިއެވެ. އަދި އެއާއެކު ވީޕީއެން ވެސް ބްލޮކް ކުރިއެވެ.
ޕާކިސްތާނަކީ އައިޓީ އުފެއްދުންތައް އެކްސްޕޯޓު ކުރާ ޤައުމެކެވެ. ނަމަވެސް ޑިޖިޓަލް އިންފްރާސްޓްރަކްޗާގައި، ސްޓޭބަލް ކަނެކްޓިވިޓީއެއް ނުލިބިގެން ޕާކިސްތާނު ވިޔަފާރިތަކާއި ކުންފުނިތަކުން ޝަކުވާ ކުރެއެވެ.
ޕާކިސްތާނުގައި ފަޔަރވޯލް ބޭނުން ކުރަން ފެށުމުގެ ސަބަބުން މީހުންގެ މެދުގައި ވީޕީއެން މަގްބޫލުވިއެވެ. އަދި ވީޕީއެން ބޭނުން ކުރަނީ ސަރުކާރުން މަނާކޮށްފައިވާ ސައިޓުތަކަށް ވަނުމަށެވެ.
ޕާކިސްތާނުން ސަރުކާރަށް ފާޑު ކިޔާ ނޫސްވެރިންގެ ފޯނުތަކަށް ބައެއް ފީޗާރތައް ނުލިބޭ ގޮތަށް ބްލޮކޮ ކޮށް ހަދާފައިވާ ކަމަށް ނޫސްވެރިން ބުނެއެވެ.
