ޚައިބަރު ޕަޚްތުންޚްވާގެ ޚުއްރަމް ޑިސްޓްރިކްޓްގައި މަރުވި މީހުންގެ ޖުމްލަ އަދަދު މިހާތަނަށް 130 އަށް އަރާފައިވެއެވެ. ލޯވަރ ޚުއްރަމްގައި ހަމަލަތައް ހުއްޓާލި ނަމަވެސް ގަބީލާތަކުގެ މެދުގައި ހަމަނުޖެހުންތައް ކުރިއަށް ދާތާ މިއަދަށް މިއީ 12 ވަނަ ދުވަހެވެ. 12 ދުވަސްތެރޭގައި ޒަޚަމްވި މީޙުންގެ އަދަދު 186އަށް އަރާފައި ވެއެވެ.
ޚުއްރަމްއަކީ، ގަބީލާތަކުގެ މީހުންގެ ހަމަނުޖެހުމުގެ ޒަމާންވީ ތާރީޚެއް އޮތް ތަނެކެވެ. މިއީ ގަބީލާގެ އިތުރުން ސުންނީންނާއި ޝީޢީންގެ މެދުގައި ބެހިފައިވާ މުޖުތަމައެކެވެ.
މަސްއޫލު ފަރާތްތަކުން ބުނެފައިވާ ގޮތުގައި މިތަނުގައި ފަރުވާ ދޭނެ ވަސީލަތްތަކެއްވެސް ނުހުރެއެވެ. އަދި ފުލުހުންނާއި ދެ ފަރާތުގެ ހަރު މީހުންގެ ޖަލްސާތައް ބާއްވައިގެން ބައެއް ހަމަނުޖެހުންތައް ކޮންޓްރޯލު ކުރެވިފައި ވެއެވެ. އަދި ސަރުކާރުން ވަނީ ހަތިޔާރު އެޅި ފުލުހުންވެސް ބައިތިއްބާފައެވެ.
