މިސްރުގެ ފޮރިން މިނިސްޓަރު ބަދުރު އަބްދުލްޢާޠީ ވަނީ މިއަދު ޤާހިރާގައި އޮތް ކޮންފަރެންސްގައި ހަރުކަށި އިބާރާތުން އިޒްރޭލުގެ އަމަލުތައް ކުށްވެރި ކުރައްވާފައެވެ. އޭނާ ގޮވާލެއްވީ ރަފަހަ ބޯޑަރު ސަރަހައްދުން އިޒްރޭލު ފަހަތަށް ޖެހުމަށެވެ.
ރަފަހައާއި ސަލާޙުއްދީން (ނޫނީ ފިލަޑެލްފިއާ ކޮރިޑޯ) އަކީ ކޭމްޕް ޑޭވިޑް މުއާހަދާގެ ދަށުން އިޒްރޭލުން ފަހަތަށް ޖެހެންވާނެ ތަނެވެ. އަދި އެތާގައި މިސްރު ސިފައިން ތިބެން ޖެހެއެވެ. ނަމަވެސް މިސްރުގެ އަބްދުލް ފައްތާހުއްސީސީގެ ވެރިކަމުގެ ބަލިކަށިކަމާއި އިޒްރޭލުދެކެ ޖެހިލުން ވުމުގެ ސަބަބުން މިސްރު ސިފައިން ވަނީ އެމީހުންގެ މަގާމުތައް އިޒްރޭލަށް ދޫކޮށް ފަހަތަށް ޖެހިފައެވެ.
އަބްދުލްޢާޠީ ވަނީ އާދަޔާ ޚިލާފު ހަރުކަށި ބަހުގެ ހަމަލައެއްގައި އޒްރޭލުން ފަލަސްޠީނު މީޙުން މަރަމުން ދަނީ ކަމަށާއި އިޒްރޭލުން އިސްތިއުމާރު ކުރަނީ ކަމަށް ވިދާޅުވެ ދުނިޔެއިން ފިޔަވަޅު ނާޅާ މައްސަލަ ކުށްވެރި ކުރައްވާފައެވެ.
މިސްރާއި އދން އިންތިޒާމް ކުރި ކޮންފަރެންސްގައި 100 އެތައް ވަފްދެއް ބައިވެރިވިއެވެ. މިފަދަ ކަންކަމަކީ މިހާރު އަމަލީ ކަންކަމަށް ވުރެން ބޮޑަށް ކަން ދެއްކުމުގެ ޝޯއެކެވެ.
