ދިވެހި ފުލުހުންގެ ހިދުމަތުންދާ މައްސަލައެއްގެ ތަހުގީގަށް 25 އަހަރުގެ ޒުވާނަކު ހޯދަން ފުލުހުން އިއުލާން ކޮށްފިއެވެ.
މި މައްސަލައިގައި ފުލުހުން ހޯދަނީ މުސްލިމް އަބްދުﷲ، ދަފްތަރު. ނަންބަރު ދރ 2840 / މާލެ (25އ) އެވެ.
ފުލުހުން ބުނީ މުސްލިމް ހޯދަނީ އެ ހިދުމަތުގެ ޑްރަަގްސް އެންޑް ސަބްސްޓެންސް އެބިއުސް ކޮންޓްރޯލުން ތަހުގީގު ކުރަމުންދާ މައްސަލައެއްގެ ތަހުގީގަށް ހާޒިރުކުރުމަށް ބޭނުންވެ، އުޅޭ ވަކިތަނެއް ނޭނގުމުގެ ސަބަބުން ތަހުގީގަށް ހާޒިރުވުމަށް ޗިޓު ރައްދުކުރެވިފައި ނުވާތީ ކަމަށެވެ.
އަދި ސާޖަންޓް އާދަމް ހަލީމް ކްރިމިނަލް އިންވެސްޓިގޭޝަން ބިލްޑިންގއަށް، މިމަހު 12 ވަނަ ދުވަހުގެ 14:00 އަށް ހާޒިރު ވުމަށްވެސް ފުލުހުން ބުނެފައިވެއެވެ.
