އެމެރިކާގެ މަހާ ސާދާގަރު މަސްކުގެ ސްޓާލިންކާ ވާދައަށް ދުނިޔެ ވަށައިގެން ޗައިނާއިން ބަހައްޓަން ރާވާފައިވާ ސެޓެލައިޓްތައް ޖައްވަށް ފޮނުން ފަސްކުރުމަށް މަޖުބޫރު ވެއްޖެއެވެ.
ޗައިނާއިން ވަނީ ޖައްވަށް ސެތެލައިޓާއެކު ފޮނުވާލާ ރޮކެޓްގެ ޕްރޮޕަލްޝަން ބަޔަށް ބޮޑެތި މައްސަލަތަކެއް ދިމާވެފައިވާ ކަމަށް ރިޕޯޓް ކޮށްފައެވެ.
ޗައިނާއިން ރާވާފައި ވަނީ، ސްޕޭސްއެކްސްގެ ސްޓާލިންކް އާއި އެއްވަރަށް ސެޓެލައިޓްތައް ފޮނުވައިގެން މުވާސަލާތުގައި ކުރިއަށް ދިއުމަށް ރާވާފައެވެ. އަދި ރޮކެޓް ފޮނުވުމަށް އެޅިފައިވާ ހުރަސްތަކާއެކު ޗައިނާގެ ޕްލޭންތަކަށް ހުރަސް އެޅިދާނެ ކަމަށް ސައުތު ޗައިނާ ޕޯސްޓުން ރިޕޯޓްކޮށްފައި ވެއެވެ.
ޗައިނާއިން ރާވާފައި އޮތީ، ދެކުނުގެ ޖަޒީރާ ޕްރޮވިންސް ހައިނާންގެ ވެންޗަންގް ސްޕޭސްޕޯޓުން ޑިސެމްބަރު 23 ވަނަ ދުވަހު ޖައްވަށް 18 ސެޓެލައިޓްގެ ހަތަރު ވަނަ ބެޗެއް ފޮނުވާލާށެވެ. ނަމަވެސް ދިމާވެފައިވާ މައްސަލަތަކާ ގުޅިގެން މި ސެޓެލައިޓްތައް ފޮނުވުން މިހާރު ވަނީ އަންނަ އަހަރަށް ފަސްކޮށްފައއި ކަމަށް ޗައިނާ އެކަޑަމީ އޮފް ލޯންޗް ވެހިކަލް ޓެކްނޮލޮޖީން ބުނެ އެވެ.
ޗައިނާގެ ސޯޝަލް މީޑިއާގައި ހިއްސާކުރި ވީޑިއޯތަކުން ދައްކާ ގޮތުގައި ސެޓެލައިޓްތައް ދުނިޔޭގެ ތިރީ އޯބިޓަށް ފޮނުވާލާ އުޅަނދު ލޯންގް މާޗް-8 ރޮކެޓް ވަނީ ނޮވެމްބަރު މަހު ވެންޗަންގަށް ގެނަސްފައެވެ. އަދި އެ ރޮކެޓް ވަނީ، މީގެ 10 ދުވަސް ކުރިން ލޯންޗް ޕެޑަށް ނަގާފައެވެ. އެއަށްފަހު ކުއްލިއަކަށް މައްސަލައެއް އުޅޭ ކަމަށް އިއުލާން ކޮށް އަންނަ އަހަރަށް ލޯންޗުކުރުން ލަސްކޮށްފައި ވަނީއެވެ.
