ސޫރިޔާގެ ސައިދުނާޔާ ޖަލުގައި މީހުން ދަންޖެއްސުމުގައި އިސްކޮށް ހުރި މަސްއޫލުވެރިޔާ، މުހައްމަދު ކާންޖޫ އަލްހަސަން ހައްޔަރުކުރިކަން ސީރިއާގެ އައު ވެރިން އިއުލާން ކޮށްފިއެވެ. އޭނާ ހައްޔަރު ކުރަން އުޅުމުގެ ތެރޭގައި ސޫރިޔާގެ ހުޅަނގުގައި ހަމަލާތަކެއް ބަދަލުކޮށް، ހަމަނުޖެހުންތަކެއް ހިނގާފައި ވެއެވެ.
ހައިއަތު ތަހުރީރުއްޝާމްގެ މިލިޓަރީ އޮޕަރޭޝަންސް ޑިޕާޓްމަންޓުން ކުރިއަށް ގެންދިޔަ ސަލާމަތީ އޮޕަރޭޝަންގައި އަލްހަސަންއާއި އޭނާއަށް ސަޕޯޓު ކުރާ ވިހި މީހުންވެސް ހައްޔަރުކޮށްފައި ވެއެވެ.
ސޫރިޔާގެ ދާޚިލީ ވުޒާރާއާ ގުޅިގެން އަސްކަރީ އޮޕަރޭޝަންސް ޑިޕާޓްމަންޓުން ވަނީ ވެރިކަމުން ދުރުކޮށްފައިވާ ރައީސް ބައްޝާރުލް އަސަދަށް ސަޕޯޓު ކުރާ ހަނގުރާމަވެރި މިލިޝިއާތަކުގެ ތެރޭން ބާކީ ތިބި މީހުން ހޯދުމަށް ތަރުޠޫސް ގައި އަންގާރަ ދުވަހުން ފެށިގެން އޮޕަރޭޝަނެއް ފަށާފަ އެވެ.
ގުޅުން ހުޅި ޚަބަރު:
ސޫރިޔާގެ އަނިޔާވެރި ޖަލުގައި އެތައް ބަޔަކު ދަންޖެއްސި
އޭނާ ހައްޔަރުކޮށްފައި ވަނީ ތަރުޠޫސް ގަވަރނަރޭޓް ގެ އަވަށެއް ކަމަށްވާ ޚިރްބަތު އަލްމުއައްޒާ އިންނެވެ.
ބައްޝާރު ވެރިކަން ދޫކުރައްވާފައި ވަނީ، ޑިސެމްބަރު 8 ވަނަ ދުވަހު އެވެ.
މި އޮޕަރޭޝަން ކުރިއަށް ގެންގޮސްފައި ވަނީ ހުޅަނގު ސީރިއާގައި ހަމަނުޖެހުން އުފެދިފައި ވަނިކޮށެވެ. މިދިޔަ ހަފްތާގައި، ބައްޝާރުލް އަސަދު ނިސްބަތްވާ އަލަވީ ބައިމަދު މީހުންގެ އެތައް ހާސް މީހުން ވަނީ ގިނަ ސިޓީތަކެއްގައި މުޒާހަރާތައް ބާއްވާފައެވެ. އަދި މުޒާހަރާތަކާ ގުޅިގެން ބައެއް މީހުން ހައްޔަރުކޮށްފައި ވެސް ވެއެވެ.
މަސްއޫލު ފަރާތްތަކުން ބުނެފައިވާ ގޮތުގައި ސައިދުނާޔާ ޖަލުގެ ޖައްލާދު ހައްޔަރުކުރަން އުޅުމުގެ ތެރޭގައި ހަމަލަތައް ބަދަލު ކުރުމުން 14 މީހުން މަރުވެފައިވެއެވެ.
