ޖަޕާނުގެ ކުންފުނިތަކުން އިންޑިއާގައި ސެމީކޮންޑަކްޓަރ ޔުނިޓްތައް ގާއިމް ކުރަން ޝައުގުވެރިވަނީ އިންޑިއާގެ ކުންފުނިތަކާއި ގުޅިގެން ކަމަށް ޑެލޮއިޓްގެ ރިޕޯޓެއްގައި ބުނެފި އެވެ. އެ ރިޕޯޓުގައި ބުނެފައި ވަނީ، އިންޑިއާގެ ހުނަރުވެރި ވޯކްފޯސް އިތުރަށް ތަރައްގީކޮށް، އިންވެސްޓު ކުރާނެ ފަންޑާއި ސަރުކާރުން ދޭ ސަބްސިޑީގެ ސަޕޯޓް ފިޔަވަޅުތަކުން އިންޑިއާގެ ސެމީކޮންޑަކްޓަރ ދާއިރާ އިތރަށް ތަރައްގީވެގެން ދާނެ ކަމަށެވެ.
ޖަޕާނަކީ އެމެރިކާއަށް ފަހު ސެމީކޮންޑަކްޓަރާއި ގުޅުން ހުރި ދާއިރާތަކުން އިންޑިއާއާ ގުޅިގެން މަސައްކަތް ކުރުމަށާއި ދުނިޔޭގެ ސަޕްލައި ޗެއިން ތަރައްގީކޮށް ދެމެހެއްޓުމަށް ނިއުދިއްލީއާއެކު އެއްބަސްވުމެއްގައި ސޮއިކުރި ދެވަނަ ކުއަޑް ޕާޓްނަރެވެ.
ޖަޕާނާއި އިންޑިއާއިން ސޮއިކޮށްފައި ވަނީ، ސެމީކޮންޑަކްޓަރ ޑިޒައިން ކުރުމާއި، އުފެއްދުމާއި، އެކަމާ ގުޅުން ހުރި އިކުއިޕްމަންޓް ރިސާޗާއި، ހުނަރު ތަރައްޤީ ކުރުމާއި އަދި ސެމީކޮންޑަކްޓަރ ސަޕްލައި ޗޭންގައި ލޮޅުންތައް ކުޑަކުރުމަށް ދެގައުމުން ގުޅިގެން މަސައްކަތް ކުރާށެވެ.
ޖަޕާނުގައި ގާތްގަނޑަކަށް 100 ސެމީކޮންޑަކްޓަރު އުފައްދާ ޕްލާންޓްތައް ހުރެއެވެ. ޖަޕާނަކީ ސެމީކޮންޑަކްޓަރާ ގުޅޭ އުފެއދުންތަކުގައި ދުނިޔޭގެ ގަދަ ފަސް ގައުމުތަކުގެ ތެރޭން ހިމެނޭ ޤައުމެކެވެ.
