ޕާކިސްތާނުގެ ކޯޓަކުން ކުރީގެ ބޮޑުވަޒީރު އިމްރާންގެ އަނބިކަނބަލުން ބުޝްރާ ބީބީ ހައްޔަރު ކުރުމަށް ދެންމެ އަމުރު ނެރެފިއެވެ. އާރީ ޓީވީން ބުނިގޮތުގައި މިއީ، ކޮރަޕްޝަންއާ ގުޅޭ ތަހުގީގަކާ ގުޅޭ އަމުރެކެވެ.
ކުރީގެ ބޮޑު ވަޒީރު އިމްރާން ޚާން އާއި ބުޝްރާ ބީބީގެ މައްޗަށް ތުހުމަތު ކޮށްފައި ވަނީ ބޭރު ދަތުރުތަކުން ލިބިވަޑައިގަތް ހަދިޔާތައް ޚަޒާނާއަށް ވެއްދެވުމުގެ ބަދަލުގައި، އެތަކެތި ވިއްކަވައިގެން ފައިދާ ހޯއްދެވި ކަމަށެވެ. އިދިކޮޅުން ތުހުމަތު ކުރަނީ ކުރީގެ ފުރަތަމަ އާއިލާއަށް އެހަދިޔާތައް ވިއްކައިގެން 140 މިލިއަން ރުޕީސް ލިބުނު ކަމަށެވެ.
ޕާކިސްތާންގެ ވެރިކަމަށް ނުފޫޒު ފޯރުވާ ސިފައިން ނުރުއްސަވާފައިވާ ޚާންގެ މައްޗަށް ތަފާތު އެތައް ތުހުމަތުތަކެއް ކޮށްފައި ވެއެވެ. ޚާން އަދިވެސް ހުންނެވީ އަދިޔާލާ ޖަލުގައެވެ.
