ޗައިނާގެ އިގްތިސާދު ހީނަރު ވުމާ ގުޅިގެން ލަގްޒަރީ މުދާ އުފައްދާ ބަލްގާރީ ކުންފުނިން އިންޑިއާއަށް މިސްރާބު ޖަހައިފިއެވެ. ޗައިނާގެ އިގްތިސާދު ދަށްވުމުން، ޗައިނާގައި ލަގްޒަރީ މުދަލަށް އޮތް ޑިމާންޑް ދަށް ވެއްޖެއެވެ.
ބްލޫމްބާގް ޓީވީއަށް ދިން އިންޓަވިއުއެއްގައި ބަލްގާރީގެ ޗީފް އެގްޒެކެޓިވް ޖީން ކްރިސްޓޮފް ބާބިން ބުނީ އިންޑިއާގެ އިގްތިސާދީ ކުރިއެރުމާއި ޒުވާން އަދި ބޮޑު އާބާދީން ފައިދާ ނެގުމަށް އޭނާގެ ކުންފުނިން އަމާޒު ހިފާފައވާ ކަމަށެވެ.
ބަލްގާރީ ކުންފުނީގެ ވެބްސައިޓުގައި އިންޑިއާގައި 13 ބޫޓިކް ނުވަތަ ރަސްމީ ރީޓެއިލް ވިޔަފާރިވެރި އޮތްކަމަށް ލިސްޓްކޮށްފައިވެ އެވެ.
ބަލްގާރީން ލަފާ ކުރަނީ ކުރިއަށް އޮތް އަހަރުތަކުގައި ލަގްޒަރީ މުދަލަށް ބޭނުންވާ އެންމެ ގަދަ 3 ގައުމު ނޫނީ 5 ގައުމުގެ ތެރޭގައި އިންޑިއާ ހިމެނޭނެ ކަމަށެވެ.
ޗައިނާގެ ޕްރޮޕަޓީ މާކެޓަށް ދިމާވި ހީނަރުކަން އިގްތިސާދުން ފެނި ފައި ވެއެވެ. މިހިނގާ އަހަރުގެ 9 މަސް ތެރޭގައި ޗައިނާގައި ލަގްޒަރީ މުދަލަށް އޮތް ޑިމާންޑް ވަނީ ބޮޑު ކޮށް ދަށްވެފައެވެ.
