އިންޑިއާގެ ޑިޖިޓަލް އިންފްރާސްޓްރަކްޗާ ފުޅާކުރުމަށް ބޮޑެތި ޑޭޓާ ސެންޓަރުތައް ބިނާ ކުރުމަށް ޑިމާންޑު އިތުރު ވުމާއެކު 2027 ވަނަ އަހަރު ނިމޭއިރު މި ދާއިރާއިން 100 ބިލިއަން ޑޮލަރު އިންޑިއާގައި އިންވެސްޓް ކުރެވޭނެއެވެ. ޑޭޓާ ސެންޓަރުތައް ހެދުމަށް އިންޑިއާގެ އެންމެ ފާހަގަ ކުރެވޭ މަންޒިލްތަކުގެ ގޮތުގައި ބެލެވެނީ، މަހާރާޝްތުރާ އާއި ޓަމިލް ނާޑޫ އެވެ.
މިދިޔަ 5 އަހަރުގެ ތެރޭގައިވެސް އިންޑިއާގައި ޑޭޓާ ސެންޓަރު ހެދުމަށް، އިންޑިއާގެ އިންވެސްޓަރުންނާއި ބޭރުގެ އިންވެސްޓަރުން ގާތްގަނޑަކަށް 60 ބިލިއަން ޑޮލަރުގެ އިންވެސްޓްމަންޓެއް ކޮށްފައި ވެއެވެ.
މިވަގުތު އިންޑިއާގެ ޑޭޓާ ސެންޓަރގެ 49 ޕަސެންޓް ހިއްސާކުރަނީ މުމްބާއީގެ މާކެޓުންނެވެ. އެއަށްފަހު، ޗެންނާއީ، ދިއްލީ އަދި ބެންގަލޫރެވެ.
މުމްބާއީ އާއި ޗެންނާއީ އަކީ، ބޭރުން އިންޑިއާއަށް އަންނަ ގިނަ ކޭބަލް ލޭންޑިން ސްޓޭޝަންތަކެއް ހިމެނޭ ދެ ސިޓީއެވެ.
