މުމްބާއީގެ އައްސޭރިފަށުގައި މިއަދު ހަވީރު ފެރީއެއް ބަންޑުން ޖަހާލުމުން 13 ފަސިންޖަރުން މަރުވެއްޖެއެވެ. އަދި 101 މީހަކު ސަލާމަތްކޮށްފައިވާ ކަމަށްވެސް އޮފިޝަލުން ބުނެފި އެވެ.
ނޫސްވެރިންނާ ވާހަކަ ދައްކަވަމުން މަހާރާޝްތުރާގެ ޗީފް މިނިސްޓަރު ޑެވެންދްރާ ފަޑްނަވިސް ވިދާޅުވީ އަރަބި ކަނޑުގައި، ނީލްކަމަލް ކިޔާ ފެރީއަކީ އިންޑިއާގެ ކަނޑުގެ ސިފައިންގެ އުޅަނދެއް މުޑިއރުމުގެ ސަބަބުން އެކްސިޑެންޓެއް ހިނގާފައިވާ ކަމަށެވެ. މި ހާދިސާ ހިނގީ މެންދުރު ފަހު 3.55 ހާއިރު އެވެ.
މަރުވި މީހުންގެ ތެރޭގައި އިންޑިއާގެ ކަނޑުގެ ސިފައިންގެ ތިން މީހަކާއި އާންމުންގެ 10 މީހުން ހިމެނެ އެވެ. މިހަދިސާ ދިމާވީ، ކަނޑުގެ ސިފައިންގެ އުޅަނދެއް ކޮންޓްރޯލުން ނެއްޓިގެން ފަސިންޖަރު ފެރީއާއި މުޑިއެރުމުންނެވެ.
