ދިވެހި ރައްޔިތުންގެ މުދަލާއި ފައިސާއަށް ޚިޔާނަތްތެރިވާކަށް އެއްވެސް ފަރާތަކަށް ކުޑަވެސް ޖާގައެއް ރައީސުލްޖުމްހޫރިއްޔާ ޑޮކްޓަރ މުހައްމަދު މުއިއްޒު ފުރުސަތު ނުދެއްވާނެ ކަމަށް މަސްވެރިކަމާ ބެހޭ ވަޒީރު އަހްމަދު ޝިޔާމް ވިދާޅުވެއްޖެއެވެ.

"އެކްސް" ގައި ކުރެއްވި ޕޯސްޓެއްގައި ޝިޔާމް ވިދާޅުވީ ވެރިކަމުގައި ހުންނަވަނިކޮށް ސަރުކާރު ތެރެއިން ހިނގާކަމަށް ތުހުމަތުކުރާ ކޮރަޕްޝަނާއި ވައްކަމުގެ މައްސަލަތައް ބަލައި ވަގުތުން ވަގުތަށް ފިޔަވަޅު އެޅި ހަމައެކަނި ރައީސަކީ އަދުގެ ރައީސް ޑޮކްޓަރ މުހައްމަދު މުއިއްޒު ކަމަށެވެ.

"ވެރިކަމުގައި ހުންނަވަނިކޮށް ސަރުކާރު ތެރެއިން ހިނގާކަމަށް ތުހުމަތުކުރާ ކޮރަޕްޝަނާއި ވައްކަމުގެ މައްސަލަތައް ބަލައި ވަގުތުން ވަގުތަށް ފިޔަވަޅު އެޅުއްވުމަކީ މީގެކުރިން އެއްވެސް ރައީސަކު ވެރިކަމުގައި ހުންނަވައިގެން ކުރައްވަން ކެރިވަޑައިގެންނެވި ކަންކަމެއް ނޫން. ވެރިކަމުގެ ފުރަތަމަ ދުވަހުންފެށިގެންވެސް ރައީސް ޑރ. މުހައްމަދު މުއިއްޒު ގެންދަވަނީ ކޮރަޕްޝަނާއި ވައްކަމާ ދެކޮޅަށް ތަފާތު ދައްކަވަމުން. ދައްކަވާ ވާހަކަފުޅާ އަމަލުފުޅު ދިމާކުރައްވާނެ. ދިވެހި ރައްޔިތުންގެ މުދަލާއި ފައިސާއަށް ޚިޔާނާތްތެރިވާކަށް އެއްވެސް ފަރާތަކަށް އެމަނިކުފާނު ކުޑަވެސް ޖާގައެއް ނުދެއްވާނެކަން މިއަދުވެސް ސާބިތުކޮށްދެއްވައިފި" ވަޒީރު ޝިޔާމް ވިދާޅުވިއެވެ.

ވަޒީރު ޝިޔާމް އެކްސްގައި ޕޯސްޓް ކުރައްވާފައި މިވަނީ، އެޗްޑީސީއިން ނުހައްގުން ބިމާއި ގޯތި ދިންކަމަށް ތުހުމަތު ކުރެވޭ މައްސަލައެއް ފުލުހުން ބަލަމުންދާ ދަނޑިވަޅެއްގައެވެ.

އިތުރު ލިޔުންތައް ސަރުކާރު