އިންޑިއާއިން މާޖެއްސި ޒުވާރި (ޕޮޕްކޯން) އަށް ނަގާ ޖީއެސްޓީ ބޮޑުކޮށްފިއެވެ. ޖީއެސްޓީ ކައުންސިލުން ޕޮޕްކޯނަށް ނަގާ ޖީއެސްޓީ ބޮޑުކުރަން ނިންމުމުން މީހުން އެކަމާ މައްސަލަ ޖެއްސުމުން ވެގެން އުޅޭގޮތް ސާފުކޮށް ދިނުމަށް އާންމު ސިޓީއެއް ނެރެފިއެވެ.
މާޖެއްސި ޒުވާރި ބަންދު ނުކޮށް ހުރިގޮތަށް ވިއްކާނަމަ އޭގެ ޖީއެސްޓީއަކީ ކުރިންވެސް އޮތް ގޮތަށް 5 ޕަސެންޓެވެ. ނަމަވެސް މާޖައްސަފައި ލޮނުލައި ޕެކެޓް ބަންދުކޮށްފިނަމަ ޖީއެސްޓިއަކީ 12 ޕަސެންޓެވެ.
މާޖެއްސި ޒުވާރި ހަކުރު ލައިގެން ފޮނިކޮށްފައި ބަންދުކޮށްގެން ވިއްކާނަމަ، އޭގެ ޖީއެސްޓީއަކީ 18 ޕަސެންޓެވެ.
