މިޔަންމާގެ މުސްލިމުން ގިނަ ރާކައިން ސްޓޭޓުގައި އަރަކާން ހަނގުރާމަވެރިންނާއި މިޔަންމާ ސިފައިންނާ ދެމެދު ހިނގަމުންދާ ހަނގުރާމައިގައި އަރަކާން ހަނގުރާމަވެރިން ވަނީ ސިފައިންގެ ހުޅަނގު ކޮމާންޑްގެ މައި މަރުކަޒު އެމީހުންގެ ބާރުގެ ދަށަށް ގެނަސްފައެވެ.
ދެފަރާތުން ނޮވެމްބަރު މަހުން ފެށިގެން އަންނަނީ ހަމަލާތައް ބަދަލުކުރަމުންނެވެ.
ނޫސްވެރިންނާ ބައްދަލު ކޮށް ވާހަކަ ދައްކަވަމުން އިންޑިއާގެ ޚާރިޖިއްޔާގެ ތަރުޖަމާނު ރަންދީރު ޖައިސްވާލް ވިދާޅުވީ އަރާކަން ސިފައިންނާއި މިޔަންމާ ސިފައިންނާ ދެމެދު ބަދަލު ކުރެވެމުންދާ ހަމަލަތައް އިންޑިއާއިން "ވަރަށް ގާތުން" ބަލަމުން އަންނަ ކަމަށެވެ.
ޖައިސްވާލް ވިދާޅުވި ގޮތުގައި ސިޓްވޭގައި ހުންނަ އިންޑިއާގެ ކޮންސިއުލޭޓް ޖެނެރަލްގެ އިންޑިއާގެ މުވައްޒަފުން އޭޕްރީލް މަހު ޔަންގޫންގައި ހުންނަ އެމްބަސީއަށް ބަދަލުކޮށްފައިވެއެވެ. ނަމަވެސް ސިޓްވެއްޓޭ ގައި ހުންނަ އިންޑިއާގެ ކޮންސިއުލޭޓުން ޚިދުމަތްތައް މެދު ނުކެނޑި ދެމުން ގެންދާނެ ކަމަށެވެ.
މީގެ އިތުރުން މިޔަންމާގައި އިންޑިއާ އިން ހިންގާ އެހީގެ މަޝްރޫއުތައް ހުއްޓުމެއް ނެތި ކުރިއަށްދާ ކަމަށްވެސް ޖައިސްވާލް ވިދާޅުވި އެވެ.
