ޕޮލެންޓުން ބުނަނީ، އޮސްވިޗްގެ މުނާސަބާ ފާހަގަ ކުރުމަށް ޕޮލެންޑްގައި އޮންނަ ރަސްމިއްޔާތަށް ނަތަންޔާހޫ އައިސްފިނަމަ ހިފައި ހައްޔަރުކޮށް، ހޭގްގެ ޝަރީއަތުގެ މަޖިލީހާ ހަވާލު ކުރާނެ ކަމަށެވެ.
"އިންޓަނޭޝަނަލް ކްރިމިނަލް ކޯޓުގެ މާއްދާތަކަށް އިހުތިރާމް ކުރުން އަޅުގަނޑުމެންގެ މައްޗަށް ލާޒިމު،" ޕޮލެންޑްގެ ނޫސް ރެޒްޕޮސްޕޮލިޓާ އިން ރިޕޯޓްކޮށްފައިވެއެވެ.
އޮސްވިޗްގެ މުނާސަބާ ފާހަގަ ކުރާ އިވެންޓު އިންތިޒާމް ކުރާ ޕޮލެންޑްގެ ޑެޕިއުޓީ ފޮރިން މިނިސްޓަރު ވްލަޑިސްލާވް ބާޓޮޝެވްސްކީ އާ ހަވާލާދީ އެ ނޫހުން ބުނެފައ ވަނީ ޕޮލެންޑަކީ ބައިނަލްއަގްވާމީ ގާނޫނު ނަގަހައްޓާ ގައުމެއް ކަމަށެވެ.
ޕޮލެންޑް މީޑިއާއިން ރިޕޯޓު ކޮށްފައި ވަނީ ހައްޔަރުކޮށްފާނެތީ ނަތަންޔާހޫ ޕޮލެންޑަށް ވަންނަން ބޭނުން ނުވާ ކަމަށެވެ. ޒަޔަނިސްޓު ޓެރަރިސްޓް ޔަހޫދުންގެ މަސްދަރުތަކުން ހާމަކޮށްފައިވާ ގޮތުގައި އިޒްރޭލުގެ ރައީސް ހަރްޒޮގް ވެސް ދަނީ ޕޮލެންޑަށް ދިއުމާ މެދު ވިސްނަމުންނެވެ.
