ކެނެޑާގެ ބޮޑުވަޒީރު ޖަސްޓިން ޓްރޫޑޯގެ ލީޑަޝިޕަށް އިތުބާރު ނެތް ކަމަށް ސިކުންގެ ސިޔާސީ ޕާޓިއަކުން ބުނެފިއެވެ. އަދި ބައިމަދު ލިބަރަލް ޕާޓީގެ ސަރުކާރު ވައްޓާލުމަށް ފަސް ނުޖެހޭނެ ކަމަށްވެސް ބުނެފިއެވެ.
ނިއު ޑިމޮކްރެޓިކް ޕާޓީ (އެންޑީޕީ)ގެ ލީޑަރު ޖަގްމީތު ސިންގް ވިދާޅުވި ގޮތުގައި އަންނަ އަހަރު ޓްރޫޑޫއަށް އިތުބާރު އޮތްތޯ ބެލުމަށް ހުށަހަޅާނެ ކަމަށެވެ.
ޓްރޫޑޯގެ ވެރިކަން ދަމަހައްޓައިދޭ ސިންގް ވަނީ ސޯޝަލް މީޑިއާގައި އޭނާގެ ޕާޓީން ޓްރޫޑޫއާ މެދު ދެކޭ ގޮތް ހާމަކުރައްވާފައެވެ. އިދިކޮޅު ޕާޓީތަކުން މި ފިޔަވަޅަށް ތާއީދު ކޮށްފިނަމަ ކެނެޑާގައި އަވަސް އިންތިޚާބެއް ބާއްވަން ޖެހޭނެއެވެ. ދެން އޮންނަ އިންތިހާބެއް ބާއްވަން ޖެހެނީ އޮކްޓޯބަރު މަހު ނުވަތަ އޭގެ ކުރިންނެވެ.
