ކުށްމަދުކުރުމާ ގުޅޭގޮތުން 24 ވަނަ ގައުމީ ކެޑޭޓް ކޭންޕުގެ ބައިވެރިންނަށް މައުލޫމާތު ދިނުމުގެ ސެޝަނެއް ކުރިއަށް ގެންގޮސްފިއެވެ.
ފުލުހުން ބުނީ އިއްޔެ ގިރިފުށީގައި ކުރިއަށް ގެންދިޔަ މި ސެޝަންގައި މައުލޫމާތު ދީފައިވަނީ ކުށްމަދު އަމާން މުޖުތަމައުއެއް ބިނާކުރުމަށްޓަކައި ކެޑޭޓް ދަރިވަރެެއްގެ ހައިސިއްޔަތުން ކުރެވިދާނެ ކަންކަމާއި ކުށްތަކުން ރައްކާތެރިވެ ތިބުމަށް ކުރެވިދާނެ ކަންކަމާ ގުޅޭގޮތުން ކަމަށެވެ
އެގޮތުން ޓްރެފިކް މައްސަލަތަކާއި ސައިބަރ ކްރައިމް މައްސަލަތަކުން ރައްކާތެރިވުމަށް ކުރެވިދާނެ ކަންކަމުގެ މައުލޫމާތު ދީފައިވާ ކަމަށްވެސް ފުލުހުން ބުންޏެވެ.
މި ސެޝަންގައި މައުލޫމާތު ދީފައިވަނީ ދިވެހި ފުލުހުންގެ ހިދުމަތުގެ ކްރައިމް ޕްރިވެންޝަންގައި މަސައްކަތްކުރާ މުވައްޒަފުންނެވެ. މި ސެޝަންގައި 120 ކެޑޭޓުން ބައިވެރިވެފައިވެއެވެ.
