މެޑިޓެރޭނިއަން ކަނޑުގައި އަޑިއަށް ދިޔަ މުދާ އުފުލާ ރަޝިޔާގެ އާގު ބޯޓު އުރްސާ މޭޖާ ފައްތާލާފައިވަނީ ޓެރަރިސްޓް ހަމަލައެއް ދީގެން ކަމަށް ރަޝިޔާއިން ބުނެފިއެވެ.
ރަޝިޔާގެ ޑިފެންސް މިނިސްޓްރީގެ ދަށުން ހިންގާ އޮބޮރޮންލޮޖިސްޓިކާ ކުންފުނިން ބުނީ މިމަހުގެ 23 ވަނަ ދުވަހު އެ އާގު ބޯޓު ފައްތާލާފައި ވަނީ ޓެރަރިސްޓް ހަމަލާއެއް ދީގެން ކަމަށެވެ.
އުރްސާ މޭޖަރަށް ކަމަށް" ކަމަށް ރަޝިޔާގެ ނޫސް އެޖެންސީތަކުން ނެރުނު ބަޔާނެއްގައި ބުނެފައިވެ އެވެ އެ އަމަލުގެ ފަހަތުގައި ހުރެފައި ނުވަތަ ކީއްވެގެން ހެއްޔެވެ.
ރަޝިޔާގެ ފޮރިން މިނިސްޓްރީން އަންގާރަ ދުވަހު ބުނެފައި ވަނީ 2009 ވަނަ އަހަރު އުފެއްދި އާގު ބޯޓު އަޑިއަށް ގޮސްފައި ވަނީ އެ ބޯޓުގެ އިންޖީނު ރޫމުގައި އެއްޗެއް ގޮވައިގެން ގޮސްކަމަށެވެ. އެ ބޯޓުގެ ދެ ފަޅުވެރިން އެހާދިސާގައި ގެއްލިފައި ވެއެވެ. ޖުމުލަ 16 ފަޅވެރިން ދަތުރު ކުރިއެވެ.
މި ހަމަލާގެ ފަހަތުގައި ވަނީ ކޮން ބައެއްކަން ބުނެފައެއް ނުވެއެވެ.
މީގެ ކުރިން ދީފައިވާ ޓެރަރިސްޓް ހަމަލައެއްގައި ރަޝިޔާއިން ޔޫރަޕަށް ގޭސް އުފުލުލާ ހޮޅިވެސް ވަނީ ގޮއްވާލާފައެވެ. ރަޝިޔާއިން ތުހުމަތު ކުރާ ގޮތުގައ އެއީ އެމެރިކާގެ ޖާސޫސީ އިދާރާ ސީއައިއޭއިން ހިންގި ޖަރީމާއެކެވެ.
އޮބޮރޮންލޮޖިސްޓިކާ ކުރިން ބުނެފައި ވަނީ އެ ބޯޓު ރަޝިޔާގެ ދުރު އިރުމަތީ ބަނދަރު ވްލަޑިވޮސްޓޮކް އަށް ދަތުރުކުރަމުން ދިޔައީ އޭގެ ޑެކްގައި ޖަޔަންޓް ދެ ޕޯޓް ކްރޭން ޖަހައިގެން ކަމަށެވެ.
